Betel nut: घरात नांदेल सुख-शांती-समृद्धी; पुजेवेळी सुपारीचा करा असा उपयोग

मुंबई, 06 मे : हिंदू धर्मात पूजेच्या वेळी सुपारीला विशेष महत्त्व आहे. पानांसोबत सुपारीदेखील पूजेत ठेवली जाते. गणेशाला सुपारी प्रिय आहे आणि जेव्हा पूजा केली जाते, तेव्हा प्रथम उपासक गणेश आणि गौरीचे प्रतीक सुपारीच्या रूपात वापरतात. भगवान विष्णू आणि देवी लक्ष्मीच्या पूजेमध्ये सुपारीचा वापर केला जातो. सुपारीशी संबंधित असे काही उपाय आहेत, जे केल्याने धनात वाढ होऊ शकते आणि त्यासोबत सुख-समृद्धीही वाढते. हे उपाय तुम्हाला व्यवसाय आणि करिअरमध्येही उपयुक्त ठरू शकतात. काशीचे ज्योतिषी चक्रपाणी भट्ट यांच्याकडून सुपारीचे उपाय जाणून घेतले आहेत. सुपारी उपाय - 1. पूजेच्या वेळी गणेश आणि गौरीच्या रूपात दोन सुपारींची पूजा केली जाते, तेव्हा त्यांना जनेयू, चंदन, अक्षता, फुले इत्यादी अर्पण करतात. पूजा संपल्यानंतर ती सुपारी रक्षासूत्रात गुंडाळून पैशाच्या ठिकाणी किंवा तिजोरीत ठेवावी. असे केल्याने धन आणि संपत्ती वाढते. 2. तुम्हाला करिअर, व्यवसाय किंवा इतर कोणत्याही कामात उत्तम यश मिळवायचे असेल तर घरातून बाहेर पडताना एक पान आणि सुपारी सोबत ठेवा. घरी परतल्यावर गणेशाला ती अर्पण करा. असं केल्यानं कार्य कोणत्याही अडथळ्यांशिवाय यशस्वी होतं. 3. लग्नाचा योग जुळून येण्यासाठी सुपारी घेऊन त्यात रक्षासूत्र गुंडाळा. त्यानंतर अक्षता, कुमकुम आणि फुलांनी त्याची पूजा करावी. त्यानंतर गुरुवारी विष्णू मंदिरात ही सुपारी ठेवा. असे केल्याने विवाहाचा योग तयार होतो. लग्नानंतर ती सुपारी पाण्यात विसर्जित केली जावी. हे वाचा -  heart attackचं कारण ठरू शकतात या 4 गोष्टी; आजपासूनच खाताना काळजी घ्या 4. जर तुम्हाला करिअर किंवा व्यवसायात यश मिळवायचे असेल तर गायीच्या तुपात कुंकुम मिसळून पानावर स्वस्तिक बनवा. नंतर त्यावर सुपारी ठेवा आणि रक्षासूत्रात गुंडाळून प्रतिष्ठापना करावी. त्याची यथायोग्य पूजा करा, परिणाम दिसेल. हे वाचा -  घरामध्ये घड्याळ लावताना या चुका करू नका; दिशा चुकली तर अनेक गोष्टी बिघडतात 5. व्यवसायात प्रगती होत नसेल तर त्यासाठीही सुपारीचा उपाय आहे. हा उपाय शनिवारी करावा. शनिवारी रात्री आपण पिंपळाच्या झाडाची पूजा करावी आणि त्याखाली एक रुपयाचे नाणे आणि सुपारी ठेवा. त्यानंतर दुसऱ्या दिवशी सकाळी त्या पिंपळाच्या झाडाचे एक पान घरी आणावे. त्या पानावर एक सुपारी ठेवावी आणि धनाच्या ठिकाणी ठेवावी. (सूचना : येथे दिलेली माहिती सामान्य ज्योतिषशास्त्राच्या माहितीवर आधारित आहे. न्यूज 18 लोकमत त्याची हमी देत नाही.)

• Follow us on