Weight Loss: ही 4 पेयं Metabolism सुधारण्यात करतील मदत, वजन कमी करण्यासाठी फायदेशीर

मुंबई, 03 मार्च: स्वत:चं वजन पाहताना (weight gain problem) काटा जसजसा पुढे-पुढे सरकू लागतो, तसतसं आपलं टेन्शनह वाढू लागतं. त्यानंतर विविध व्यायामप्रकारांचा अवलंब करून आणि खाण्यावर नियंत्रण मिळवून वजन कमी करण्याचा प्रयत्न केला जातो. पण जर तुमची चयापचयाची (metabolism) क्रिया सुरळीत पार पडत असल्यास वजन कमी करणं (easy to lose weight) सहज शक्य होते.

अनहेल्दी डाएट (unhealthy diet) आणि शारीरिक हालचालींचा (physical activity) अभाव, यामुळे वजन वाढू शकतं. चयापचयाचा जास्त वेग वजन कमी करण्यास मदत करतो. त्यामुळे केवळ व्यायामच नाही, तर सकस आहार घेणंही आवश्यक आहे. तुम्ही आहारात असे पदार्थ किंवा पेय समाविष्ट करू शकता जे चयापचय गती वाढवण्यास मदत करतात. वेगवान चयापचय तुमची चरबी लवकर बर्न करण्यास आणि आकारात येण्यास मदत करते. चयापचय वेग वाढवण्यासाठी, तुम्ही अनेक प्रकारची घरगुती आरोग्यदायी पेयं पिऊ शकता.

- तुळशीच्या बिया किंवा सब्जाच्या बिया यामध्ये भरपूर प्रमाणात पोषक तत्त्वं असतात. या वजन कमी करण्यास मदत करतात. या बियांना तुळशीची थोडी चव असते. त्या ओमेगा -3 फॅटी अ‍ॅसिड, व्हिटॅमिन ए, बी, ई आणि के, कॅल्शियम, फॉस्फरस, मॅग्नेशियम आणि लोह समृद्ध असतात. या लहान बिया तुमच्या चयापचय क्रियेचा वेग वाढवतात आणि वजन लवकर कमी करण्यास मदत करतात.

हे वाचा-दारू प्यायल्यानंतर शरीर Out of Control का होतं? ड्रिंक केल्यानंतर नेमकं काय घडतं

- ब्लॅक कॉफीचं नियमित सेवन केल्याने वजन कमी होण्यास मदत होते. सकाळी साखर नसलेली एक कप गरम ब्लॅक कॉफी चरबी बर्न करण्यास मदत करते. याचे जास्त प्रमाणात सेवन करणं तुमच्या आरोग्यासाठीही हानिकारक ठरू शकते. यामुळे निद्रानाशदेखील होऊ शकतो.

- दुपारी ताकाचं सेवन करू शकता. ताकामध्ये तुम्ही जिरेपूड, काळं मीठ किंवा चिरलेली कोथिंबीर घालू शकता. त्यामुळे त्याची चवही छान लागेल आणि वजन कमी करण्यास मदत होईल. ताकामुळे पचनक्रिया सुधारते. त्यामुळे तुमचा पचनाचा वेग वाढतो, चरबी जमा होण्यापासून बचाव होतो. दह्यातील निरोगी बॅक्टेरियादेखील तुमच्या पोटाचं आरोग्य सुधारण्यास मदत करतात.

- तुम्ही तुमच्या दिवसाची सुरुवात एक ग्लास कोमट लिंबू पाण्याने करू शकता. त्याचे अनेक फायदे आहेत. हे तुम्हाला हायड्रेटेड ठेवतं, शरीरातील विषारी पदार्थ काढून टाकतं. तुमचं वजन जलद कमी करण्यास मदत करतं आणि चयापचय वेग वाढवतं. त्यामुळे तुमची पचनक्रिया सुधारते. बद्धकोष्ठतेची समस्या दूर होते. यामध्ये व्हिटॅमिन सी भरपूर प्रमाणात असतं. त्यात पोटॅशियम, फोलेट आणि बी व्हिटॅमिन यांसारखे पोषक घटकदेखील असतात. एक ग्लास कोमट पाणी घेऊन त्यात अर्धं लिंबू पिळून सकाळी सेवन करा.

हे वाचा-अतिरिक्त चरबी स्मरणशक्ती आणि विचार करण्याच्या क्षमतेसाठी ठरू शकते मोठा धोका

वजन कमी करणं तसं सोपं काम नाही. निरोगी आणि शाश्वत वजन कमी करण्यासाठी लक्षात ठेवण्यासारख्या आणि काळजी घेण्यासारख्या अनेक गोष्टी आहेत. चयापचयाचा वेगदेखील वजन कमी करण्यास उपयुक्त ठरू शकतो. हा वेग वाढण्यासाठी मात्र आहारात काही पेयांचा समावेश करणं फायदेशीर ठरतं.

(Disclaimer: येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही. अमलात आणण्यापूर्वी तज्ज्ञांचा सल्ला घ्या)