)
आपली त्वचा सुंदर, टवटवीत आणि तेजस्वी दिसावी यासाठी आपण बराच प्रयत्न करत असतो. परंतु अनेक स्किन केअर रुटीनचा वापर करून देखील त्वचेवर हवा तसा रिझल्ट येत नाही. अशावेळी तुमच्या त्वचेचा संबंध तुमच्या पायाच्या तळव्याशी आहे असे जर म्हटले तर कदाचित त्यावर तुमचा विश्वास बसणार नाही. पण अनेक तज्ज्ञांच्या मते जर आपण देशी तुपाने पायाच्या तळव्याची मालिश केली तर चेहऱ्यावर कमालीची चमक येते. ही आयुर्वेदिक उपचार पद्धती आहे जी शतकानुशतके वापरली जात आहे. असे केल्याने त्वचेला फायदा तर होतोच पण इतर अनेक समस्याही दूर होतात. देशी तूप तळव्यांना चोळण्याचे फायदे : 1. पायाच्या तळव्याला तुपाने मसाज केल्याने चेहऱ्यावर चमक येते, त्यासोबतच त्वचेच्या अनेक समस्याही दूर होतात. 2. ज्या लोकांना रात्री शांत झोप लागत नाही, त्यांनी झोपण्यापूर्वी तळव्यांना देशी तुपाने मालिश करावी. 3. जर तुमचा जोडीदार झोपताना जोरात घोरत असेल तर त्यांच्या तळव्यांना तूप लावल्यास त्यांचे घोरणे कमी होऊ शकेल.
4. अपचन किंवा पोटाच्या समस्यांमुळे त्रासलेल्यांसाठी ही पद्धत खूप उपयुक्त ठरू शकते. 5. झोपण्यापूर्वी तुपाने पायाला मसाज केल्यास तुमचा तणाव दूर होईल. 6. तसेच या पद्धतीचा वापर करून लठ्ठपणा कमी करता येतो. Ruturaj Gaikwad & Utkarsha Pawar Wedding : लग्नात ऋतुराज गायकवाडच्या पत्नीचा हटके लूक, मंगळसूत्राच डिझाईन पाहिलंत का? तुपाने मसाज कसा करावा? रात्री झोपण्यापूर्वी तळहातावर देशी तूप चोळा आणि त्यानंतर पायाच्या तळव्याला मसाज करा. पाय उबदार होईपर्यंत तूप चोळत राहा. मग छान झोप घ्या, त्याचा परिणाम तुम्हाला काही दिवसात दिसून येईल. तुपाचा पर्याय काय? सध्या बाजारात तूप खूप महाग मिळते. त्यामुळे सर्वच तुपाने मालिश करू शकतील असे नाही. तेव्हा त्याऐवजी तुम्ही खोबरेल तेल देखील वापरू शकता.
+6
फोटो
