)
मुंबई, 09 ऑक्टोबर : बॉलिवूड अभिनेत्री आणि अभिनेत्यांना नेहमी फिट राहणं गरजेचं असतं. यासाठी जिम, योगा, डाएट हा त्यांच्या दैनंदिन जीवनाचा भाग असतो. अभिनेता रितेश देशमुख (riteish deshmukh) आणि त्याची पत्नी अभिनेत्री जेनेलियादेखील (genelia dsouza) स्वत:ला फिट ठेवण्याचा प्रयत्न करत आहेत. मात्र आता त्यांचा उद्देश आहे तो अवयवदान. अवयवदानासाठी आपलं शरीर निरोगी असावं, अवयव चांगले राहावेत यासाठी दोघांनीही काही निर्णय घेतले आहेत. रितेश देशमुख आज ‘कौन बनेगा करोडपती’च्या करमवीर वीकेंड एपिसोडमध्ये दिसणार आहे. अवयवदानाबाबन जनजागृती करणाऱ्या मोहन फाऊंडेशनचे डॉ. सुनील श्रॉफ यांच्यासह तो असणार आहे.
रितेश आणि जेनेलिया यांनी नॉनव्हेज खाणं सोडलं आहे. शिवाय ब्लॅक कॉफी आणि एयरेटेड ड्रिंक्स न पिणंही सोडलं आहे. यामुळे अवयवांना मोठं नुकसान होतं, त्यामुळे आपण हा निर्णय घेतल्याचं त्यांनी सांगितलं.
1 जुलैला डॉक्टर्स दिनाच्या निमित्ताने रितेश आणि जेनेलियाने आपण अवयवदान करत असल्याचं जाहीर केलं होतं. दोघांनीही आपला व्हिडीओ सोशल मीडियावर शेअर केला होता. हे वाचा - अखेर नेहा कक्करने केला खुलासा, PHOTO शेअर करत सांगितलं कोणाला करतेय डेट नॉनव्हेजमधून व्यक्तीला मोठ्या प्रमाणात प्रोटिन मिळतं. पण याचा शरीरावर मोठा प्रतिकूल परिणामदेखील होतो. कॉफीमध्ये असलेल्या कॅफिनमुळे शरीराला नुकसान पोहोचतं. ज्याप्रमाणे सिगारेटमुळं शरीराला नुकसान होतं तसंच नुकसान कॉफीमुळे होतं आणि यामुळे रितेश आणि जेनेलिया दोघांनीही याचं सेवन करणं सोडलं आहे.
+6
फोटो
