मराठी बातम्या /बातम्या /लाइफस्टाइल /

काय सांगता! आता झोप पूर्ण होण्याचं टेन्शन विसरा; अवघ्या 4 तासांत घ्या 8 तासांची झोप; कशी ते वाचा

काय सांगता! आता झोप पूर्ण होण्याचं टेन्शन विसरा; अवघ्या 4 तासांत घ्या 8 तासांची झोप; कशी ते वाचा

वरील स्नॅक्सचे पदार्थ असे आहेत, जे भूक लागल्यास तुम्ही जास्त विचार न करता रात्री खाऊ शकता. रात्रीच्या वेळी हलके जेवण खाणे गरजेचे आहे.

वरील स्नॅक्सचे पदार्थ असे आहेत, जे भूक लागल्यास तुम्ही जास्त विचार न करता रात्री खाऊ शकता. रात्रीच्या वेळी हलके जेवण खाणे गरजेचे आहे.

नॉन स्लीप डीप रेस्ट (Non Sleep Deep Rest) या तंत्राद्वारे 4 तासांत 8 तासांची झोप पूर्ण करणं शक्य आहे. यामुळे कमी वेळात पूर्णपणे आरामदायक झोप मिळते.

मुंबई, 04 एप्रिल:  सध्याच्या धावपळीच्या काळात सर्वांनाच शांत झोपेची नितांत गरज असते; मात्र प्रत्येकवेळी सगळ्यांनाच शांत झोप मिळते असं नाही. तसंच मोबाइलच्या वाढत्या वापरामुळे झोपेच्या वेळीदेखील माणसाचं मन स्थिर नसतं. त्यामुळे पुरेशा झोपेअभावी अनेक जणांना वेगवेगळ्या प्रकारच्या त्रासाचा सामना करावा लागतो. थकवा, अस्वस्थता, एकाग्र न होता येणं किंवा वेगवेगळ्या आजारांचाही यामुळे धोका संभवतो. यावर उपाय म्हणून गुगलचे सीईओ (Google CEO) सुंदर पिचाई हे वेगळे तंत्र अवलंबतात. NSDR म्हणजेच नॉन स्लीप डीप रेस्ट (Non Sleep Deep Rest) या तंत्राद्वारे 4 तासांत 8 तासांची झोप पूर्ण करणं शक्य आहे. यामुळे कमी वेळात पूर्णपणे आरामदायक झोप मिळते. जाणून घेऊ या या नॉन स्लीप डीप रेस्ट ट्रिकबद्दल. याबद्दलची सविस्तर माहिती देणारं वृत्त 'झी न्यूज हिंदी'ने प्रसिद्ध केलं आहे.

Benefits Of Cashews: काजू म्हणजे उर्जेचा पावरहाऊस, आरोग्यासाठी आहेत अनेक फायदे

नॉन स्लीप डीप रेस्ट टेक्निक ही एकप्रकारची ध्यानधारणा म्हणजेच मेडिटेशन (Meditation) असतं. यामध्ये झोपून ध्यान केलं जातं. तुम्हाला हे जाणून आश्चर्य वाटेल, की या तंत्रामुळे तुम्हाला जागं असूनदेखील झोपण्याचे फायदे मिळतात. यामध्ये झोपेत असताना मेंदू जसा आराम करत असतो, तसाच उपयोग होतो. त्यामुळे तणाव दूर होतो आणि गाढ झोप लागते. या टेक्निकच्या सततच्या सरावाने तुम्ही 4 तासांत 8 तासांची झोप पूर्ण करू शकता.

आपल्या मेंदूमधून अनेक प्रकारच्या न्यूरॉन लहरी बाहेर पडतात आणि यातून बाहेर पडणाऱ्या अल्फा लहरी मेंदूला आनंदी राहण्याचे संकेत देत असतात. योग आणि ध्यानाद्वारे या अल्फा लहरी सक्रिय करण्याचा प्रयत्न केला जातो. या लहरी सक्रिय झाल्यामुळे सर्व प्रकारचा ताण संपतो आणि मेंदू रिलॅक्सिंग मोडमध्ये जातो.

सगळं कुटुंब राहील निरोगी, घरातच तयार होणारी ही एक गोष्ट रोजच्या आहारात घ्या

तुम्ही NSDR म्हणजेच नॉन स्लीप डीप रेस्ट टेक्निकचा सराव केला तर तुम्हालाही याचा फायदा होईल. यासाठी सर्वप्रथम तुम्ही बेडवर पाठीवर झोप. या वेळी खोलीत अंधार किंवा अत्यंत कमी प्रकाश असायला हवा. त्यानंतर तुमचं शरीर सैल सोडा आणि हात, पाय यांना एकदम रिलॅक्स करा. तुमचे हात आकाशाच्या दिशेने वळवा. दीर्घ श्वास घ्या आणि डाव्या पंज्यावर तुमचं लक्ष केंद्रित करा आणि त्यानंतर पंज्यापासून ते डोक्यापर्यंत येणाऱ्या सर्व अवयवांवर तुमचं लक्ष केंद्रित करा. या प्रक्रियेदरम्यान सावकाश श्वास आत घ्या आणि बाहेर सोडा. यानंतर संपूर्ण शरीर एकदम सैल सोडा आणि ध्यानधारणा करा. यानंतर काही वेळातच तुम्हाला शांत आणि गाढ झोप लागेल. या टेक्निकच्या सततच्या सरावाने तुम्ही स्वतःला ताणतणावांपासून दूर ठेवू शकता. शांत आणि गाढ झोपेची गरज गरज असणाऱ्या प्रत्येकाने हे टेक्निक वापरून बघावं.

First published:

Tags: Lifestyle, Sleep benefits, Tips