मराठी बातम्या /बातम्या /लाइफस्टाइल /

'कुणी माझ्या बाळाला दूध पाजेल का?' कोरोनाने हिरावली आई; 8 दिवसांच्या तान्हुल्यासाठी बापाची धडपड

'कुणी माझ्या बाळाला दूध पाजेल का?' कोरोनाने हिरावली आई; 8 दिवसांच्या तान्हुल्यासाठी बापाची धडपड

कोरोनाने आई हिरावलेल्या आपल्या बाळासाठी त्याचे बाबा दूध देणाऱ्या आईच्या शोधात आहेत.

कोरोनाने आई हिरावलेल्या आपल्या बाळासाठी त्याचे बाबा दूध देणाऱ्या आईच्या शोधात आहेत.

कोरोनाने आई हिरावलेल्या आपल्या बाळासाठी त्याचे बाबा दूध देणाऱ्या आईच्या शोधात आहेत.

  • Published by:  Priya Lad

भोपाळ, 20 एप्रिल : नऊ महिने पोटात वाढवून अगदी सुखरूपपणे तिने बाळाला या जगात आणलं. पण कोरोनाने तिला आपल्या लेकापासून दूर (Baby's mother died because of coronavirus) केलं. नुकत्याच जन्मलेल्या बाळाची आणि त्याच्या आईची कोरोनाने ताटातूट केली. नवजात बाळापासून त्याच्या आईला कोरोनाने हिरावून घेतलं. 8 दिवसांचं तान्हुलं आता भुकेनं व्याकूळ झालं आहे. आपलं बाळ रडतं आहे त्याला दूध पाजूया, असं म्हणत त्याला छातीशी धरणारी आई मात्र आज त्याच्यासोबत नाही. पर्यायी दूध बाळ काही तोंडात घेत नाही आहे. भुकेनं मात्र ते ट्यांह ट्यांह करून रडतं आहे. बाळाची अशी अवस्था पाहून बापही कासावीस झाला आहे. माझ्या बाळाला कुणी दूध पाजेल का? विचारत आता चिमुकल्याचे बाबा आपल्या बाळाला दूध देणाऱ्या आईच्या (Breastfeeding mother) शोधात आहे.

मध्य प्रदेशातील दुर्वेश दिवेदी. 8 दिवसांपूर्वीच त्यांच्या पत्नीने एका गोंडस मुलाला जन्म दिला. आपल्या घरात एक नवा पाहुणा आला हा आनंद दोघांनाही झाला. पण त्यांना हा आनंद एकत्रितपणे फार काळ अनुभवता आला नाही. त्यांच्या पत्नीने अर्ध्यातच त्यांची साथ सोडली. बाळाला आपल्या पतीच्या स्वाधीन करून ती जग सोडून निघून गेली. कोरोनामुळे दुर्वेश यांच्या पत्नीचा मृत्यू झाला.

आता या बाळाची जबाबदारी दुर्वेश यांच्यावरच आहे. फक्त 8 दिवसांचं बाळ. बाबा आपल्याला हे हवं ते हवं, भूक लागली, झोप आली. असं काहीच ते तोंडाने सांगू शकत नाही, हट्ट करून मागू शकत नाही. पण रडतं आहे, खूप रडतं आहे. भुकेनं ते व्याकूळ झालं आहे, याची कल्पना दुर्वेश यांनाही आहे. त्यांनी आपल्या बाळाला आर्टिफिशिअल दूध देण्याचाही प्रयत्न केला. पण नाही... त्याचा काहीच फायदा झाला नाही. बाळाला आईचंच दूध हवं आहे. त्यामुळे आता त्याचे बाबा अशा आईच्या शोधात आहे, जी त्यांच्या बाळाला आपलं दूध पाजू शकेल. त्यासाठी त्यांची धडपड सुरू झाली आहे.

हे वाचा - भयंकर! तब्बल 12 मोकाट कुत्री चिमुरडीवर तुटून पडली; अंगावर काटा आणणारा VIDEO

सोशल मीडियावर ही पोस्ट व्हायरल होते आहे. ज्यामध्ये भोपाळच्या चिरायू हॉस्पिटलमध्ये हे बाळ असल्याचं सांगितलं जातं आहे. सोबतच या बाळाच्या वडिलांचा म्हणजे दुर्वेश यांचाही फोन नंबर देण्यात आला आहे. त्यामुळे जर तुम्ही स्तनपान करणाऱ्या माता असाल किंवा तुमच्या ओळखीतील कुणी स्तनपान करत असेल आणि या बाळाला दूध पाजू शकणार असेल. तर कृपया या पोस्टमध्ये दिलेल्या क्रमांकावर संपर्क साधावा, असं आवाहन केलं जातं आहे.

First published:

Tags: Coronavirus, Small baby