ग्रीन टी उपयोगी असली तरी कितीवेळा पिणं आहे फायदेशीर; दुष्परिणाम पण समजून घ्या

ग्रीन टी प्यायल्याने वजन तर कमी होतेच पण त्याचबरोबर इतरही अनेक आरोग्य फायदे मिळू शकतात. हेल्थ लाईनच्या माहितीनुसार, यामध्ये असलेले अँटी-ऑक्सिडंट्स कॅन्सरपासून बचाव करण्यातही मदत करतात. यासोबतच ग्रीन टी त्वचा आणि चयापचय क्रियांसाठीही खूप उपयुक्त आहे. आज जाणून घेऊया एका व्यक्तीने दिवसात किती ग्रीन टी प्यायला हवी. यासोबतच जास्त पिण्याचे दुष्परिणामही आपल्याला कळतील.

एखादी व्यक्ती एका दिवसात किती ग्रीन टी पिऊ शकते? एखादी व्यक्ती दिवसातून तीन ते पाच कप ग्रीन टी पिऊ शकते. मात्र, कोणताही शारीरिक त्रास नसेल तर एखादी व्यक्ती एका दिवसात इतका ग्रीन टी पिऊ शकते. परंतु जर कोणाला मधुमेह, कर्करोग किंवा हृदयविकार असतील तर तुम्ही एकदा तुमच्या डॉक्टरांचा सल्ला घ्या. ग्रीन टी घेण्याबाबत प्रत्येक व्यक्तीच्या शरीराच्या गरजा वेगवेगळ्या असल्या तरी, आपल्या शरीराचा विचार करून आपण दररोज ग्रीन टीचे प्रमाण ठरवावे. तथापि, जर तुम्ही ग्रीन टीचे अधिक सेवन केले तर काही दुष्परिणाम देखील दिसू शकतात.

जास्त प्रमाणात ग्रीन टी पिण्याचे काही दुष्परिणाम - शरीरात कॅफिनचे प्रमाण जास्त झाल्याने चिंता आणि नैराश्य दिसून येते.

आपल्या शरीरातून लोहाचे शोषण कमी होऊ शकते.

गर्भवती महिलांनी याचे सेवन करू नये, अन्यथा गर्भपात होण्याची शक्यता लक्षणीयरीत्या वाढू शकते. विशेषतः जास्त प्रमाणात सेवन करू नये.