रात्री येणाऱ्या खोकल्यामुळे झोपेचं खोबरं होतंय? करू शकता हे घरगुती उपाय

मुंबई, २६ऑगस्ट:  थंडीचे दिवस (Winter days) आता फार दूर नाहीत. त्यातच पाऊस (rain) आणि वातावरणात (climate) सातत्याने होणाऱ्या बदलांमुळे अनेकांना खोकल्याचा त्रास होतो. बऱ्याच जणांना तर रात्री हा खोकला (cough) पूर्ण हैराण करून सोडतो. कधीकधी तर रात्री इतका खोकला येतो की, त्या व्यक्तीसोबतच घरातील सर्वांच्याच झोपेचं (sleep) खोबरं झाल्याशिवाय राहत नाही. पण तुम्हाला माहिती आहे का, काही सोप्या उपायांनी हा खोकला कमी करता येतो. खरं तर बदलत्या तापमानाशी शरीराचं तापमान (Body Temperature) जुळत नाही. त्यामुळे आरोग्य बिघडून सर्दी-खोकला होण्याची शक्यता असते. काही लोकांना दिवसापेक्षा रात्री जास्त खोकला येतो. रात्री झोपताना सतत येणाऱ्या खोकल्यामुळे फक्त तुमचीच नाही तर घरातील सर्वांचीच झोप खराब होते. पण आज आम्ही तुम्हाला अशा काही टिप्स किंवा घरगुती उपायांबद्दल सांगणार आहोत, ज्याचा अवलंब केल्याने तुम्हाला रात्री येणाऱ्या खोकल्यापासून आराम मिळू शकतो. काळी मिरी, मीठ व मधाची पेस्ट बऱ्याचदा चुकीचं खाल्ल्यामुळे किंवा अ‍ॅलर्जीमुळे रात्रीच्या वेळी खोकला येतो. परंतु यामुळे पुरेशी झोप न झाल्यास दुसऱ्या दिवशीचा दिनक्रम बिघडू शकतो. यापासून आराम मिळण्यासाठी एका वाटीत काळी मिरी पूड घ्या, व त्यात थोडं मीठ टाका, आणि त्यात थोडा मध घालून ही पेस्ट सेवन करा. यामुळे खोकल्यापासून लवकर सुटका मिळेल.

बद्धकोष्ठता दूर करण्यासाठी चूर्ण-गोळ्या नको! ‘हा’ डाएट प्लॅन आहे पुरेसा

गुळाचा असाही फायदा गूळ हा असा नैसर्गिक घटक आहे, जो आपल्या आरोग्यासाठी खूप फायदेशीर आहे. गुळामुळे रक्तातील साखरेची पातळीही वाढत नाही. आल्याबरोबर (Ginger) गूळ खाल्ल्यास खोकला काही दिवसांत दूर होतो. एका वाटीत थोडा गूळ गरम करून त्यात आल्याचा रस घाला. ही पेस्ट खाऊन झोपा. काही दिवसांत तुम्हाला फरक दिसून येईल. आलं आणि मध आलं आणि मध हे दोन्ही घटक केवळ खोकलाच नाही तर शरीराच्या इतर समस्याही सहज दूर करू शकतात. जर तुम्हाला रात्री खोकल्याचा त्रास होत असेल, तर आल्याचा रस काढून त्यात थोडा मध मिसळा. तयार केलेली ही पेस्ट खा आणि झोपा. यानंतर, चुकूनही पाणी पिऊ नका. सुमारे एक आठवडा याच पद्धतीने आलं आणि मधाची पेस्ट घेतली, तर खोकल्यापासून आराम मिळण्यास मदत होईल. घरगुती काही सोप्या उपायांनी खोकला कमी करता येतो. मात्र, खोकल्याची समस्या गंभीर नाही, म्हणून या समस्येकडे दुर्लक्ष करु नका. तर खोकला जास्त काळ राहिल्यास डॉक्टरांकडून प्रथम काही वेगळा आजार नाही ना, याची खात्री करून घेणंही गरजेचं आहे.

• Follow us on