)
शाश्वत सिंह, प्रतिनिधी झांसी, 7 जून : दिवसेंदिवस जितके लोक आरोग्याप्रती जागरूक होत आहेत, तितक्याच आरोग्याच्या समस्याही वाढताना दिसत आहेत. आकडेवारी पाहिली तर हीच बाब प्रकर्षाने समोर येत आहे. कारण झाशीतील लोकांचे हृदय सतत कमजोर होत असल्याचे चित्र आहे. गेल्या काही महिन्यांत 1000 हून अधिक लोकांना हृदयविकाराचा झटका आला आहे. झाशीतील हृदयाशी संबंधित तक्रारी घेऊन वैद्यकीय महाविद्यालय आणि जिल्हा रुग्णालयासह खासगी केंद्रातही पोहोचत आहेत. वृद्धांबरोबरच महिला आणि तरुणांनाही हृदयविकाराच्या तक्रारी मोठ्या प्रमाणात येत आहेत.
झाशीचे प्रख्यात हृदयरोगतज्ज्ञ डॉ. आलोक शर्मा यांनी सांगितले की, हृदयविकाराच्या तक्रारी सातत्याने वाढत आहेत. या वर्षाचेच बोलायचे झाले तर जानेवारी ते मे महिन्यात दररोज सरासरी 4 ते 5 रुग्ण उपचारासाठी खासगी किंवा सरकारी रुग्णालयात दाखल होत आहेत.
यामध्ये तरुणांची संख्या मोठी असल्याचे त्यांनी सांगितले. खाण्यापिण्याचे बदलते वातावरण आणि वाढता ताण यामुळे लोकांमध्ये हृदयविकाराची समस्या वाढत आहे. डिहायड्रेशनमुळे येऊ शकतो हृदयविकाराचा झटका - डॉ. आलोक शर्मा यांनी सांगितले की, झाशीमध्ये सध्या कडक ऊन आहे. या उन्हाळ्यात लोकांच्या शरीरात पाण्याची कमतरता भासते. डिहायड्रेशनमुळे लोकांना हृदयविकाराचा झटकाही येतो. म्हणूनच अधिकाधिक पाणी पीत राहा. यासोबत तळलेले पदार्थ खाणे टाळावे. ड्रग्जपासूनही दूर राहा, असे सांगितले. दररोज व्यायाम करा आणि हृदयाची काळजी घ्या.
+6
फोटो
