शरीरात बॅड कोलेस्टेरॉलचं प्रमाण वाढत तर नाही ना? वेळीच व्हा सावध

मुंबई, 07 फेब्रुवारी:  कोलेस्टेरॉल आपल्या शरीरासाठी अत्यंत महत्त्वाचं असतं. ही एक प्रकारची चरबी आहे, जी चिकट मेणासारखी असते. कोलेस्टेरॉलमुळे शरीरात अनेक हॉर्मोन्स आणि पेशीभित्तिका तयार होतात. कोलेस्टेरॉल शरीरात राहिलं नाही, तर आपण जास्त काळ जगू शकत नाही. कोलेस्टेरॉल शरीरात टेस्टोस्टेरॉन, इस्ट्रोजेन हॉर्मोन्ससह अनेक हॉर्मोन्स बनवतं. याशिवाय चयापचय क्रिया वाढवण्यासाठी त्याची गरज असते. इतकं उपयुक्त असूनही त्याच्यामुळे जीव धोक्यातही येऊ शकतो. कोलेस्टेरॉलचे दोन प्रकार आहेत. त्यापैकी एक एलडीएल म्हणजेच बॅड कोलेस्टेरॉल असून, त्याचं प्रमाण वाढलं तर ते आपल्यासाठी शत्रू ठरतं.

शरीराची अशी काही लक्षणं आहेत, ज्यामुळे तुम्हाला अंदाज लावता येतो की, तुम्हाला कोलेस्टेरॉलचा अटॅक येण्याचा धोका आहे की नाही? ही लक्षणं कोणती आहेत, ते जाणून घेऊ.

हेही वाचा - Tulasi Seeds : तुळशीची फक्त पानंच नाही तर बियाही असतात फायदेशीर! अशाप्रकारे करा आहारात सामील

शरीरातलं कोलेस्टेरॉल वाढल्याची लक्षणं

हात आणि पाय सुजणं : टाइम्स ऑफ इंडियाच्या वृत्तानुसार, जेव्हा शरीरात बॅड कोलेस्टेरॉल वाढतं, तेव्हा त्याचा परिणाम हात आणि पायांवर दिसू लागतो. हात-पायांमध्ये रक्ताचा पुरवठा कमी होऊ लागतो. त्यामुळे नसांचा रंग बदलू लागतो, आणि त्यामध्ये सूज आणि बधीरपणा येऊ लागतो. यामुळे खूप वेदनाही होतात. हात पायही कमकुवत होऊ लागतात.

त्वचेवर पुरळ येणं : शरीरातलं बॅड कोलेस्टेरॉल वाढल्यामुळे रक्तवाहिन्यांमध्ये चिकट पदार्थ गोठू लागतात. त्यामुळे त्वचेवर पुरळ येते. हे पुरळ शरीराच्या अनेक भागात दिसतं. डोळ्यांखाली, पाठीवर, पायावर, तळहातावर गाठी दिसतात.

नखं खराब होतात : जेव्हा रक्तामध्ये जास्त कोलेस्टेरॉल जमा होऊ लागतं, तेव्हा रक्तवाहिन्या प्रसरण पावतात. त्यामुळे शरीराच्या वेगवेगळ्या भागात रक्त पोहोचत नाही. नखंही खराब होतात. नखांमध्ये काळ्या रेषा दिसतात. ती पातळ आणि तपकिरी रंगाची होतात.

डोळ्यांभोवती पिवळे डाग : कोलेस्टेरॉल वाढल्यावर डोळ्याभोवती पिवळे डाग पडू लागतात. बॅड कोलेस्टेरॉल खूप वाढलं तर हे डाग नाकापर्यंत पोहोचतात. याला जेंथेप्लाज्मा पलपेब्रारम (XP) म्हणतात.

अशी घ्या काळजी

कोलेस्टेरॉल वाढू नये, म्हणून वयाच्या खाणं-पिणं आरोग्यदायी ठेवा, वाईट सवयी सोडा. सिगारेट, अल्कोहोल, प्रोसेस्ड फूड, पिझ्झा बर्गर, पॅकेज केलेल्या गोष्टी इत्यादींचं सेवन खूपच कमी करा. सकस अन्न खा. उदाहरणार्थ, हिरव्या भाज्या, कडधान्य, फळं इत्यादींचं सेवन करा. नियमित व्यायामानं गुड कोलेस्टेरॉल वाढवता येतं. तळलेले पदार्थ, सिगरेट आणि दारू टाळूनही गुड कोलेस्टेरॉल वाढवता येतं. गुड कोलेस्टेरॉल कमी झालं असेल, तर डॉक्टर काही औषधांद्वारे ते वाढवण्याचा सल्लाही देतात.