गुलाबाच्या पाकळ्यांपासून घरच्या घरी बनवा 'हा' पदार्थ

मुंबई, 10 जून - गुलाबाच्या पाकळ्यांपासून केला जाणारा गुलकंद खाण्यासाठी चविष्ट आणि आरोग्यासाठी फायदेशीर असतो. सतत लघवीचा त्रास होत असेल तर गुलकंद सेवन करावे. आयुर्वेदातही गुलकंदाला महत्त्व देण्यात आलं आहे. गुलकंदात व्हिटॅमिन सी, ई आणि बी हे भरपूर प्रमाणात असतात. त्यामुळे उन्हाळ्यात होणारा उष्णतेचा त्रास आणि शरीर थंड ठेवण्यासाठी गुलकंद फायदेशीर ठरतं. असं तयार करा गुलकंद - साहित्य - गुलाबाच्या पाकळ्या 200 ग्राम, साखर 100 ग्राम, वेलदोडे पूड 1 टीस्पून, बडीशेप 1 टीस्पून कृती - गुलकंद तयार करण्यासाठी लाल गुलाबाच्या पाकळ्यांचा वापर करावा. गुलाबाच्या पाकळ्या धुवून काचेच्या बरणीत ठेवा. त्यानंतर त्यात साखर, वेलदोडे पूड, बडीशेप मिसळून झाकण लावा. ही बरणी 10 दिवस उन्हात ठेवा. अधून-मधून हे मिश्रण हलवत राहा. जेव्हा गुलाबाच्या पाकळ्या मऊ झाल्यात असं दिसेल तेव्हा गुलकंद तयार झालं असं समजावं. ज्वारीच्या भाकरीचे आहारातील महत्त्व; जाणून घ्या फायदे गुलकंदाचे फायदे - 1 - गुलकंद पाचक असून, ताप, कांजिण्या, रक्तपित्त, अशक्तपणा तसंच उष्णतेपासून होणाऱ्या आनेक विकारांवर उपचारासाठी गुलकंदाचा चांगला उपयोग होतो. 2 - गुलकंदामध्ये 10 टक्के प्रवाळ मिसळून वाढत्या वयाच्या मुलांना किंवा शारीरिक दौर्बल्य असलेल्यांना ते दिल्यास शक्तिवर्धक म्हणून काम करतं. 3 -  गुलकंद कांतिदायक आणि तृष्णाशामक आहे. 4 - गरोदर महिलांनी गुलकंद सेवन केलं तर गरोदरपणात बद्धकोष्ठतेचा त्रास होत नाही. 5 - तोंड आल्यानंतर गुलकंद सेवन केल्याने बऱ्यापैकी आराम पडतो. उत्तम शरीरयष्टी कमवायची असेल तर ‘हा’ संतुलित आहार तुम्ही घ्यायलाच हवा 6 - गुलकंद खाल्ल्याने रक्त शुद्ध होतं आणि त्वचा उजळते. तसंच ब्लॅकहेड्स आणि पिंपल्सची समस्याही दूर होते. 7 - गुलकंद सेवनाने हिरड्यांवरची सूज कमी होते. 8 - उन्हात फिरल्याने अनेकांच्या नाकातून रक्तस्त्राव होतो. ही समस्या दूर करण्यासाठी गुलकंद उत्तम ठरतं.

• Follow us on