Hair Care Tips : रिव्हर्स हेअर वॉशिंग म्हणजे काय? केसांसाठी फायद्याचे असते की नाही?

मुंबई, 12 जुलै : केस धुणे हा केसांची काळजी घेण्याचा एक महत्त्वाचा भाग आहे. केस स्वच्छ करण्यापासून केसांचे आरोग्य राखण्यापर्यंत. या सर्वांसाठी केस धुणे खूप महत्वाचे असते. केस कसे धुवायचे हे तर सर्वांचं माहित आहे. परंतु हल्ली रिव्हर्स हेअर वॉशिंग (Reverse Hair Washing) हा एक प्रकार सुरु झाला आहे. याचे आपल्या केसांना अनेक फायदे (Reverse Hair Washing Benefits) होतात. मात्र त्यासाठी रिव्हर्स हेअर वॉशिंग म्हणजे नेमकं काय ते आधी जाणून घेऊया. रिव्हर्स हेअर वॉशिंग म्हणजे काय आणि पद्धत केसांची विशेष काळजी घेण्यासाठी हल्ली रिव्हर्स हेअर वॉशिंग केली जाते. ही पद्धत (Steps Of Reverse Hair Washing) वापरायला काही अवघड नाही. हेअर वॉश करताना बहुतेक लोक केस ओले केल्यानंतर आधी शॅम्पूने केस धुतात आणि नंतर केसांना कंडिशनर लावतात. तर या उलट रिव्हर्स हेअर वॉशिंगमध्ये केले जाते. यामध्ये केस ओले केल्यानंतर आधी कंडिशनर लावले जाते आणि 5 मिनिटांनंतर केस शॅम्पूने धुतले जातात.

रिव्हर्स हेअर वॉशिंगचे फायदे रिव्हर्स हेअर वॉश केल्याने केसांचा व्हॉल्युम (Hair Volume) कायम राहतो आणि केस बाऊन्सी (Bouncy Hair) होतात. तसेच केसांना हायड्रेट ठेवण्यासाठी रिव्हर्स हेअर वॉश हा सर्वोत्तम मार्ग आहे. रिव्हर्स हेअर वॉशिंग केल्याने केस मऊ आणि चमकदार बनतात. मासिक पाळी वेळेवर येत नाही? दुर्लक्ष करू नका, गर्भधारणेदरम्यान येऊ शकतात अडथळे रिव्हर्स हेअर वॉशिंगचे दुष्परिणाम केमिकल्सपासून केसांचे संरक्षण करण्यासाठी कंडिशनर खूप उपयुक्त ठरते. परंतु रिव्हर्स हेअर वॉशमध्ये कंडिशनर आधी वापरला जातो आणि नंतर शॅम्पू केला जातो. यामुळे कंडिशनर विशेषत: जाड केसांवर फारसे प्रभावी ठरत नाही. तसेच दररोज रिव्हर्स वॉशिंग (Disadvantages Of Reverse Hair Washing) केल्याने केसांशी संबंधित समस्या होण्याची शक्यता असते. त्यामुळे आठवड्यातून केवळ एकदा रिव्हर्स हेअर वॉश करणे चांगले.

• Follow us on