)
विठ्ठल भाडमुखे,प्रतिनिधी नाशिक 11 मे : पाणीपुरी आवडत नाही असा व्यक्ती विरळच. प्रत्येक शहरातील वेगवेगळ्या भागातील पाणीपुरी फेमस असते. ही पाणीपुरी खाण्यासाठी नेहमी गर्दी असते. तुम्हाला आवडणारी ही पाणीपुरी आता आयुर्वेदीक पद्धतीनं बनवली जात असून ती 200 पेक्षा जास्त आजारांवर उपायकारक आहे, असं तुम्हाला सांगितलं तर… खवय्याचं शहर असलेल्या नाशिकमध्ये या पद्धतीची पाणीपुरी मिळतीय, असा दावा पाणीपुरी चालकानं केला आहे. 200 आजारांवर उपाय नाशिकमधील राणेनगर परिसरात दत्तू शेळके यांनी झोंब्लास्टिक आयुर्वेदीक पाणीपुरी सुरू केलीय. ही पाणीपुरी औषधी असल्याचा शेळके यांचा दावा आहे. ‘प्रत्येक गल्लीबोळात पाणीपुरी मिळते. पण, आपण वेगळ्या टेस्टची आणि आयुर्वेदीक पाणीपुरी द्यायचं ठरवलं होतं. त्यासाठी मी खास रिसर्च केला. तुळस,अवळा,कडुनिंब, हारडा,हिंग, कळोजी,पिंपळी यासारख्या 42 वस्तूंता वार मी यामध्ये मी वापल्या आहेत. आमची ही हायजेनिक पाणीपुरी खाण्यासाठी अनेक जण दररोज हजेरी लावतात,’ अशी प्रतिक्रिया शेळके यांनी दिली.
काय होतो फायदा? तुळस : यामुळे शारीरिक कमजोरी दूर होते, सर्दी,खोकला जातो.आपल्या तोंडाचा येणारा दुर्गंध वास कमी होतो,तसेच कॅन्सरवर देखील तुळस उपायकारक आहे. ओवा : कफ,पित्त, ओमेटिंग होत नाही तसेच वजन कमी करण्यास मदत होते.पचनशक्ती वाढते. खजूर : हे शरीरासाठी चांगल असत,यामुळे कॅल्शियम वाढत,तसेच दाताना कीड लागत नाही हे फायदे आहेत. पिपली : हे देखील शरीरासाठी चांगल असत,श्वास मोकळा होतो,खोकला बंद होतो,तसेच मलेरियावर देखील उपायकारक आहे.
संडे टू मंडे… पुण्यात एकाच ठिकाणी खा 65 प्रकारची अंडी, पाहा Video
मी गेल्या अनेक दिवसांपासून इथे पाणीपुरी खाण्यासाठी येत असतो.अशी पाणीपुरी कुठेच मिळत नाही.विशेष म्हणजे ही पाणीपुरी पूर्णतः आयुर्वेदिक आहे.यामध्ये 42 आयुर्वेदिक कंटेंट वापरले आहेत.दत्तू शेळके यांनी अभ्यासपूर्ण ही पाणीपुरी बनवली आहे.त्यामुळे आरोग्याच्या संदर्भात ही पाणीपुरी अत्यंत चांगली आहे.त्यामुळे आम्ही आवश्य इथे पाणीपुरी खाण्यासाठी येत असतो, असं येथील नियमित ग्राहक दिपक बेदरकर यांनी सांगितलं.
गुगल मॅपवरून साभार
कुठे खाणार आयुर्वेदिक पाणीपुरी? नाशिक शहरातील राणेनगर बोगद्या जवळील स्टेट बँक खाऊगल्ली परिसरात ही पाणीपुरी आहे,दत्तू शेळके हा पाणीपुरी स्टॉल चालवतात.
+6
फोटो
