)
मुंबई, 24 जुलै : काही लोकांच्या चेहऱ्यावर नको असलेले केस असतात, जे चांगले दिसत नाहीत. ते चेहऱ्याच्या सौंदर्यावरही परिणाम करतात. अशा परिस्थितीत लोक केस काढण्यासाठी वेगवेगळ्या प्रकारचे हेअर रिमूव्हल प्रोडक्ट्स वापरतात, पण तरीही केस काढणे सोपे नसते. मात्र तुम्ही काही सोप्या घरगुती पद्धतींचाही वापर करू शकता, जे तुम्हाला चेहऱ्यावरील नको असलेले केस काढून टाकण्यास मदत करू शकतात. चला त्यांच्याबद्दल जाणून घेऊया. पपई-मध : चेहऱ्यावरील नको असलेले केस काढण्यासाठी तुम्ही पपईचा वापर करू शकता. यासाठी पिकलेली पपई मॅश करून त्यात थोडे मध किंवा दूध मिसळून पेस्ट बनवा. नंतर चेहऱ्यावर लावा आणि काही वेळ तसाच राहू द्या आणि नंतर चोळा. त्यानंतर सामान्य पाण्याने चेहरा धुवा. साखर-लिंबू : चेहऱ्यावरील केसांपासून मुक्त होण्यासाठी तुम्ही साखर आणि लिंबू यांचे मिश्रण देखील वापरू शकता. यासाठी थोडी साखर घ्या आणि त्यात लिंबाचा रस मिसळा आणि काही थेंब पाणी देखील टाका. त्यानंतर हे मिश्रण चेहऱ्यावर लावून पाच ते सात मिनिटे स्क्रब करा आणि काही वेळाने साध्या पाण्याने धुवा. तांदळाचे पीठ : चेहऱ्यावरील नको असलेले केस काढण्यासाठी तुम्ही तांदळाच्या पिठाचाही वापर करू शकता. यासाठी तांदळाच्या पिठात थोडे गुलाबजल मिसळून त्याची स्मूद पेस्ट बनवा. यानंतर ही पेस्ट चेहऱ्यावर लावा आणि काही मिनिटे स्क्रब करा. त्यानंतर सामान्य पाण्याने चेहरा धुवा. दही-बेसन : चेहऱ्यावरील नको असलेले केस काढण्यासाठी तुम्ही बेसन आणि दह्याचीही मदत घेऊ शकता. यासाठी बेसनामध्ये दही मिसळून पेस्ट तयार करा आणि त्यात चिमूटभर हळद मिसळा. नंतर ही पेस्ट चेहऱ्यावर लावा आणि काही वेळ अशीच राहू द्या. थोडे कोरडे पडल्यावर ते चोळा आणि चेहरा धुवा. दूध-हळद : चेहऱ्यावरील केस काढण्यासाठी तुम्ही दूध आणि हळदीचीही मदत घेऊ शकता. यासाठी दोन-तीन चमचे दुधात दोन चिमूट हळद मिसळून चेहऱ्याला लावा. पंधरा मिनिटे चेहऱ्यावर राहू द्या, नंतर सामान्य पाण्याने धुवा.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
