Union
Budget 2023

Highlights

मराठी बातम्या /बातम्या /लाइफस्टाइल /

असे देश जिथे सेक्स वर्कर्स सरकारला देतात Tax, महिलांना मिळतात हे लाभ

असे देश जिथे सेक्स वर्कर्स सरकारला देतात Tax, महिलांना मिळतात हे लाभ

एका आकडेवारीनुसार, जगातील 100 प्रमुख देशांपैकी 49 देशांमध्ये वेश्याव्यवसाय कायदेशीर आहे, तर 12 देशांमध्ये काही अटींसह मान्यता आहे.

एका आकडेवारीनुसार, जगातील 100 प्रमुख देशांपैकी 49 देशांमध्ये वेश्याव्यवसाय कायदेशीर आहे, तर 12 देशांमध्ये काही अटींसह मान्यता आहे.

एका आकडेवारीनुसार, जगातील 100 प्रमुख देशांपैकी 49 देशांमध्ये वेश्याव्यवसाय कायदेशीर आहे, तर 12 देशांमध्ये काही अटींसह मान्यता आहे.

  • Published by:  Rahul Punde

नवी दिल्ली, 26 मे : सर्वोच्च न्यायालयाने वेश्याव्यवसायाला (Sex Work) कायदेशीर व्यवसाय (प्रोफेशन) म्हणून मान्यता दिली आहे. म्हणजेच इतर कोणत्याही नोकरी किंवा व्यवसायाप्रमाणे वेश्याव्यवसाय करणे देखील कायदेशीर असणार आहे. अशी कायदेशीर मान्यता देणारा भारत काही पहिला देश नाही. एका आकडेवारीनुसार, जगातील 100 प्रमुख देशांपैकी 49 देशांमध्ये वेश्याव्यवसाय कायदेशीर आहे, तर 12 देशांमध्ये काही अटींसह मान्यता आहे.

न्युझीलँड

येथे 2003 मध्ये वेश्याव्यवसायाला कायदेशीर मान्यता देण्यात आली. यासाठी सार्वजनिक आरोग्य आणि रोजगार कायद्यांतर्गत वेश्यागृहांना परवाने दिले जातात. म्हणजेच, सेक्स वर्कर्सना इतर कर्मचाऱ्यांप्रमाणेच रोजगाराशी संबंधित सामाजिक फायदे आहेत.

नेदरलँड

अॅमस्टरडॅमचा रेड लाइट एरिया हा वेश्याव्यवसायात जगातील सर्वात प्रसिद्ध भाग आहे. इतर देशांप्रमाणे येथील लोक गुप्तपणे रेड लाईट एरियात जात नाहीत. काचेच्या खिडक्यांच्या मागे लाल दिव्यात सेक्स वर्कर्सचे चमकणारे शरीर पाहण्यासाठी पर्यटक विशेषत: येथे पोहोचतात.

जर्मनी

जर्मनी हा जगातील अशा देशांपैकी एक आहे जिथे वेश्याव्यवसायाला प्रथम कायदेशीर अधिकार देण्यात आला होता. 1927 पासून येथे वेश्यागृहांसाठी परवाना देण्याची व्यवस्था करण्यात आली. सेक्स वर्कर्ससाठी आरोग्य सुविधांसोबतच विम्यासारखे उपक्रमही हाती घेण्यात आले. येथे सेक्स वर्कर्स त्यांच्या कमाईचा काही भाग कर म्हणून देतात, तर त्यांना ठराविक वेळेनंतर पेन्शनही दिली जाते.

जात जनगणनेला का होतोय इतका विरोध? पवारांनी केलेली 'ती' मागणी कोणती?

बांगलादेश

आपल्या शेजारील बांगलादेशातही वेश्याव्यवसाय कायदेशीर आहे. मात्र, येथे अल्पवयीन मुलांची तस्करी ही गंभीर समस्या आहे. पण वेश्यालय चालवणे किंवा वेश्याव्यवसाय करणे इथे न्याय्य मानले जाते.

ऑस्ट्रिया

येथे वेश्याव्यवसाय पूर्णपणे कायदेशीर आहे. सेक्स वर्कर्सच्या आरोग्याचीही विशेष काळजी घेतली जाते. सर्व प्रथम त्यांची नोंदणी केली जाते आणि नंतर त्यांच्या आरोग्याची वेळोवेळी तपासणी देखील केली जाते. या व्यवसायासाठी वयोमर्यादा किमान 19 वर्षे आहे, तर देशातील इतर कर्मचार्‍यांप्रमाणे सेक्स वर्कर्स देखील त्यांच्या कमाईचा एक भाग कराच्या रूपात सरकारला देतात. या सर्वांमध्ये एक मोठी समस्या मानवी तस्करी आणि जबरदस्तीने वेश्याव्यवसाय आहे.

ऑस्ट्रेलिया

कांगारूंच्या देशात वेश्याव्यवसाय संबंधित कायदे राज्यानुसार भिन्न आहेत. काही भागात ते कायदेशीर आहे, तर काही राज्यांमध्ये ते बेकायदेशीर मानले जाते. कुंटणखान्यासाठी परवाना देण्याचीही ही व्यवस्था आहे.

बेल्जियम

पश्चिम युरोपातील या देशाने वेश्याव्यवसायाशी संबंधित सर्व निर्बंध मोडण्याचा प्रयत्न केला आहे. येथे तुम्हाला वेश्याव्यवसायाचा परवाना मिळतो. हा व्यवसाय एक कला म्हणून घेतला जातो आणि सुरक्षेच्या दृष्टीने वेश्याव्यवसायात फिंगरप्रिंट टेक्नॉलॉजी आणि की कार्ड्स सारखी व्यवस्था देखील आहे.

PM मोदींचे 24 तास : साडेतीन तास झोप, 18 तास काम, सकाळी या गोष्टीने करतात दिवसाची सुरुवात

ब्राझील

ब्राझील या दक्षिण अमेरिकन देशामध्ये वेश्याव्यवसायाबाबतचे कायदे थोडे वेगळे आहेत. येथे मोफत वेश्याव्यवसाय कायदेशीर आहे. परंतु, वेश्यागृह चालवणे किंवा कोणत्याही स्वरुपात लैंगिक कामगारांना कामावर ठेवणे बेकायदेशीर आहे. मात्र, भ्रष्टाचारामुळे वेश्यागृहांचे अस्तित्व नाकारता येत नाही. तर, मुलांना वेश्याव्यवसायात अडकवणे किंवा त्यांना जबरदस्तीने वेश्याव्यवसायात आणणे हे मोठे आव्हान आहे. एका आकडेवारीनुसार, ब्राझीलमध्ये 250,000 ते 500,000 मुलं वेश्याव्यवसायाचा भाग आहेत.

कॅनडा

वेश्याव्यवसाय संदर्भात 2014 मध्ये लागू केलेला नवीन कायदा, कॅनडामध्ये वेश्याव्यवसायाला कायदेशीर अधिकार देतो. परंतु, या बाजूने खरेदी बेकायदेशीर मानतो. म्हणजेच तुमची इच्छा असेल तर तुम्ही वेश्याव्यवसाय करू शकता, परंतु तो व्यवसाय म्हणून स्वीकारणे बेकायदेशीर आहे.

ग्रीस

ग्रीसमध्ये वेश्याव्यवसाय हा देखील कायदेशीर व्यवसाय आहे. इतर लोकांप्रमाणे येथील सेक्स वर्कर्सनाही त्यांचा वैद्यकीय विमा काढावा लागतो. येथे सेक्स वर्कर्सची नोंदणी करावी लागते आणि त्यानुसार ओळखपत्र दिले जाते.

इक्वेडोर

या देशात सेक्स वर्कशी संबंधित प्रत्येक गोष्ट कायदेशीर आहे. इथे वेश्याव्यवसाय करणं, देहविक्री करणं सगळं न्याय्य आहे. पण जर एखाद्याला वेश्याव्यवसाय करण्यास भाग पाडले जात असेल, तर इक्वाडोरमध्येही यासाठी कडक कायदे आहेत.

First published:

Tags: Sex racket