Home /News /lifestyle /

पुण्याच्या 'सीरम'चं मोठं यश; Cervical cancer वर पहिली स्वदेशी लस तयार

पुण्याच्या 'सीरम'चं मोठं यश; Cervical cancer वर पहिली स्वदेशी लस तयार

सर्व्हायकल कॅन्सर (Cervical Cancer Vaccine) हा महिलांना होणारा एक मोठा आजार आहे. भारतात 15 ते 44 वर्षे वयोगटातील महिलांमध्ये ब्रेस्ट कॅन्सरनंतर (Breast Cancer) हा दुसरा सर्वांत जास्त होणारा कॅन्सर आहे.

    मुंबई, 15 जून : गर्भाशयाच्या ग्रीवेचा कर्करोग म्हणजेच सर्व्हायकल कॅन्सरपासून (Cervical Cancer) संरक्षण करण्यासाठी भारतात एक लस तयार करण्यात आली आहे. भारतातील पहिल्या क्वाड्रिव्हॅलंट ह्युमन पॅपिलोमाव्हायरस व्हॅक्सिनवर (qHPV) आज ड्रग रेग्युलेटरची सब्जेक्ट एक्सपर्ट कमिटी (Subject Expert Committee) विचार करणार आहे. ही लस पुण्यातील सीरम इन्स्टिट्यूट ऑफ इंडियाने (Serum Institute of India) तयार केली आहे. ही लस बाजारात लाँच करण्याच्या परवानगीसाठी कंपनीने 8 जून रोजी डीजीसीआयकडे (DGCI) अर्ज सादर केला होता. ANI ने दिलेल्या वृत्तानुसार, या लसीच्या फेज 2 आणि 3 च्या क्लिनिकल चाचण्या झाल्या आहेत. या लसीला मान्यता मिळाल्यास ती आपल्या देशासाठी मोठी गोष्ट असेल. कारण आतापर्यंत सर्व्हायकल कॅन्सरच्या लसीसाठी भारताला इतर देशांवर अवलंबून राहावं लागत होतं.

    रात्री फास्ट फूड खाल्ल्यानं आरोग्यावर होतो गंभीर परिणाम? अजिबात खाऊ नका 'हे' पदार्थ

    फायनान्शिअल एक्सप्रेसने दिलेल्या वृत्तानुसार, सरकार या लसीला लसीकरण कार्यक्रमात समाविष्ट करण्याचा विचार करत आहे. या अंतर्गत 9 ते 14 वयोगटातील मुलींना कॅन्सरपासून (Cancer) वाचवण्यासाठी या लसी दिल्या जाऊ शकतात. सध्या सर्व्हायकल कॅन्सरची लस फक्त खासगी रुग्णालयांमध्ये (Private Hospitals) उपलब्ध असून ती खूप महाग आहे. त्याच्या एका डोसची किंमत 4 हजार रुपयांपर्यंत आहे. शिवाय सर्व्हायकल कॅन्सरबाबत जनतेमध्ये फार जागरुकता नाही. त्यामुळे बऱ्याचदा सामान्यांना या कॅन्सरबद्दल फार उशिरा कळतं.

    सर्व्हायकल कॅन्सर हा महिलांना होणारा एक मोठा आजार आहे. भारतात 15 ते 44 वर्षे वयोगटातील महिलांमध्ये ब्रेस्ट कॅन्सरनंतर (Breast Cancer) हा दुसरा सर्वांत जास्त होणारा कॅन्सर आहे. यामुळे महिलांच्या सर्व्हिक्स पेशींचे नुकसान होते. सर्व्हिक्स म्हणजे गर्भाशयाच्या खाली असलेला छोटा भाग. गर्भाशयाच्या ग्रीवामधील कॅन्सर हा सामान्यतः ह्युमन पॅपिलोमा व्हायरसमुळे (HPV) होतो. भारतात दरवर्षी सर्व्हायकल कॅन्सरचे सुमारे 80-90 हजार रुग्ण आढळत आहेत. तसंच जगभरातील सर्वाधिक सर्व्हायकल कॅन्सरचे रुग्ण भारतात आढळतात.

    गलेलठ्ठ पगाराची नोकरी सोडून 'हा' व्यक्ती पाळतोय गाढवं; करतोय लाखोंची कमाई

    या वर्षाच्या अखेरीस ही स्वदेशी सर्व्हायकल लस बाजारात आणली जाऊ शकते, अशी सीरम इन्स्टिट्यूट ऑफ इंडियाला आशा आहे. दरम्यान, लसीच्या मंजुरीसाठी Drug Controller General of India (DCGI) यांना अर्ज केला असल्याचं, सीरम इन्स्टिट्यूटच्या सरकारी आणि नियामक प्रकरणांचे संचालक प्रकाश कुमार सिंह यांनी सांगितलं. ते म्हणाले की, या लसीचं नाव CERVAVAC असेल. तसंच चाचणीदरम्यान या लसींचा खूप चांगला परिणाम झाला आहे. या लसीचा अँटिबॉडी रिस्पॉन्स सर्व वयोगटांतील स्त्रियांमधील सर्व HPV व्हायरसवर बेसलाइनपेक्षा 1000 पट जास्त असल्याचं दिसून आलं आहे. या लसीला मान्यता मिळाल्यानंतर जर ती सामान्य महिलांना स्वस्त दरांत मिळाली तर खरोखरच महिलांच्या दृष्टीने ती मोलाची गोष्ट असेल.
    First published:

    Tags: Cancer, Vaccination

    पुढील बातम्या