आता Twitter वर जम्मू-काश्मीर दाखवलं चीनमध्ये; चुकीच्या GeoTag मुळे सोशल मीडियावर खळबळ

नवी दिल्ली, 19 ऑक्टोबर : ट्विटर इंडिया (Twitter India) ने जम्‍मू-कश्‍मीर (Jammu Kashmir) ला चीनचा (China) भाग असल्याचं दाखवलं आहे.  एका ट्विटर यूजरने लोकेशन टॅग केल्यावर (Geo Tag) जम्मू काश्मीर, रिपब्लिक ऑफ चायना, असं आलं. यावरून इंटरनेटवर यूजर्स प्रचंड भडकले आहेत. तातडीने हे उद्योग करणाऱ्यांना अटक करण्याची मागणी जोर धरत आहे. एवढंच नाही तर Twitter वर बंदी (Twitter Ban) आणा, अशीही मागणी होत आहे.

Twitter India च्या अधिकाऱ्यांना अटक करता, अशी मोहिम हॅशटॅगसह Twitter वरच सुरू करण्यात आली आहे. अशा प्रकारे जम्मू काश्मीरला चीनमध्ये दाखवत असल्याचं प्रथम लक्षात आलं ऑब्झर्वर रिसर्च फाउंडेशनच्या कांचन गुप्ता यांनी हा मुद्दा उपस्थित केल्यानंतर. कांचन गुप्ता यांनी Tweet करून याबद्दल नेटकऱ्यांचं लक्ष वेधलं. 'ट्विटरने आता भूगोल बदलण्याचा निर्णय घेतलेला दिसतो. जम्मू काश्मीरला त्यांनी चीनचा भाग म्हणून घोषित केलं आहे. हे भारतीय कायद्याचं उल्लंघन नाही तर काय आहे? अमेरिकन कंपनी कायद्यापेक्षा मोठी आहे काय?' या त्यांच्या Tweet ने खळबळ उडाली.

So @Twitter has decided to reconfigure geography and declare Jammu & Kashmir as part of People's Republic of #China . If this is not a violation of #India laws, what is? Citizens of India have been punished for far less. But US Big Tech is above the law? @nitingokhale @rsprasad pic.twitter.com/euelMvCxTy

— Kanchan Gupta (@KanchanGupta) October 18, 2020

नितीन गोखले या ट्विटर यूजरने काश्मीरमधून लोकेशन टॅग केलं तर तो चीनचा भाग असल्याचं Geo Tagging दिसलं. गोखले यांनी ही गोष्ट तातडीने लक्षात आणून दिली. त्यानंतर कांचन गुप्ता यांनी आपल्या ट्वीटमध्ये केंद्रीय मंत्री रविशंकर प्रसार यांनाही टॅग केलं.  'भारत या गोष्टीत आता शांत बसणार नाही. Twitter वर प्रतिबंध लावा. या उद्योगात अडकलेल्यांवर कारवाई करा', अशा अर्थाच्या Tweets ने त्यानंतर सोशल मीडियावर खळबळ उडाली होती.

@Twitter @TwitterIndia so according to you Leh is a part of People’s Republic of China. @nitingokhale pic.twitter.com/SEelUu5Xx1

— bhavuk pandita (@rohitpandita000) October 18, 2020

@HMOIndia @AmitShah @rajnathsingh @DrSJaishankar @narendramodi @nsitharamanoffc ,

Please take cognizance of this serious matter and take necessary action against @TwitterIndia .

They cannot take Indian sovereignty for granted. Don't let them normalize this misadventure.

— Shiva Kumar 🇮🇳 (@Shivauggera) October 18, 2020

Twitter India ने या गोष्टीची दखल घेतली. ट्विटरचे प्रवक्त्यानं ही चूक दुरुस्त करण्यासाठी आमच्या टीमने काम सुरू केलं आहे, या अर्थाच ट्वीट केला. 'जम्मू काश्मीर चीनचा भाग असल्याचा जिओटॅग एका लाईव्ह ब्रॉडकास्टमध्ये आला. रविवारच्या या प्रकरणाची आम्हाला माहिती आहे. या विषयाभोवती असणाऱ्या संवेदनशील भावनांचाही आम्ही आदर करतो. आमच्या टीम या प्रकरणाचा तपास करत आहेत आणि लवकरच हा जिओ टॅगिंचा गोंधळ सोडवला जाईल', असं ट्विटरच्या वतीने सांगण्यात आलं.

We became aware of this technical issue on Sunday, & understand & respect the sensitivities around it. Teams have worked swiftly to investigate & resolve the concerned geotag issue: Twitter Spokesperson on location tag in a live broadcast showing Jammu & Kashmir as part of China. pic.twitter.com/UqpCCgma1q

— ANI (@ANI) October 19, 2020

हा चिनी गुप्तहेरांचा प्रचार आहे. यामागे सुप्त हेतू आहेत. भारताने यावर शांत बसू नये. ट्विटर इंडियाच्या अधिकाऱ्यांना अटक करा, ट्विटर बंद करा, अशा अर्थाचे ट्वीट्ससुद्धा करण्यात आले.