मराठी बातम्या /बातम्या /explainer /

चिनी घुसखोरी व्हाया इन्स्टंट लोन अ‍ॅप? अनेक कर्जदाराच्या आत्महत्या, Peytm, रेझरपे ED च्या रडारवर

चिनी घुसखोरी व्हाया इन्स्टंट लोन अ‍ॅप? अनेक कर्जदाराच्या आत्महत्या, Peytm, रेझरपे ED च्या रडारवर

शनिवारी ईडीने पेटीएम, कॅशफ्री आणि रेझरपेच्या कार्यालयांवर छापे टाकल्याची बातमी आली. चायनीज इन्स्टंट लोन अॅपच्या संदर्भात हा छापा टाकण्यात आला. विशेष म्हणजे, बेंगळुरू पोलिसांनी या प्रकरणी 18 एफआयआर नोंदवल्यानंतर, ईडीने पीएमएलए अंतर्गत तपास सुरू केला आहे.

शनिवारी ईडीने पेटीएम, कॅशफ्री आणि रेझरपेच्या कार्यालयांवर छापे टाकल्याची बातमी आली. चायनीज इन्स्टंट लोन अॅपच्या संदर्भात हा छापा टाकण्यात आला. विशेष म्हणजे, बेंगळुरू पोलिसांनी या प्रकरणी 18 एफआयआर नोंदवल्यानंतर, ईडीने पीएमएलए अंतर्गत तपास सुरू केला आहे.

शनिवारी ईडीने पेटीएम, कॅशफ्री आणि रेझरपेच्या कार्यालयांवर छापे टाकल्याची बातमी आली. चायनीज इन्स्टंट लोन अॅपच्या संदर्भात हा छापा टाकण्यात आला. विशेष म्हणजे, बेंगळुरू पोलिसांनी या प्रकरणी 18 एफआयआर नोंदवल्यानंतर, ईडीने पीएमएलए अंतर्गत तपास सुरू केला आहे.

पुढे वाचा ...
  • News18 Lokmat
  • Last Updated :
  • Mumbai, India
  • Published by:  Rahul Punde

नवी दिल्ली, 4 सप्टेंबर : शनिवारी (3 सप्टेंबर 2022) अंमलबजावणी संचालनालयाने (ED) बेंगळुरूमधील पेटीएम, रेझरपे आणि कॅशफ्रीच्या ठिकाणांवर छापे टाकले. चायनीज इन्स्टंट लोन अ‍ॅपच्या बाबतीत हा छापा टाकण्यात आल्याचे ईडीचे म्हणणे आहे. शुक्रवारी छापेमारी सुरू झाल्याचे ईडीचे म्हणणे आहे. विशेष म्हणजे या तिन्ही कंपन्यांचे नियंत्रण किंवा कामकाज प्रामुख्याने चिनी कंपन्यांच्या हातात आहे.

इस्टेट लोन अ‍ॅपशी संबंधित 18 एफआयआर नोंदवल्यानंतर बेंगळुरू पोलिसांनी ही कारवाई केली आहे. या अ‍ॅपप्सद्वारे कर्ज घेतलेल्या अनेकांनी आत्महत्या केल्या होत्या, त्यानंतर केंद्रीय एजन्सीने कारवाई केली आहे. अंमलबजावणी संचालनालयाने सांगितले की छाप्यांमध्ये चिनी व्यक्तींच्या नियंत्रणाखाली असलेल्या या कंपन्यांच्या “व्यापारी आयडी आणि बँक खात्यांमध्ये” जमा केलेले 17 कोटी रुपये जप्त करण्यात आले आहेत.

इन्स्टंट लोन अ‍ॅपचे प्रकरण काय आहे?

कोविड-19 शिखरावर असताना अनेकांनी या झटपट कर्ज अ‍ॅप्सद्वारे कर्ज घेतले होते. हे चीनमधील कंपन्यांद्वारे चालवले जात होते. हे कर्ज अत्यंत महागड्या व्याजदरात उपलब्ध होते आणि फोनमध्ये अ‍ॅप्स डाऊनलोड होताच फोनची सर्व माहिती कंपन्यांपर्यंत पोहोचायची. या वैयक्तिक माहितीचा वापर कर्जदारांना धमकावण्यासाठी आणि त्यांच्याकडून अवास्तव व्याज आकारण्यासाठी केला गेला. यामुळेच अनेकांनी या अ‍ॅप्सच्या माध्यमातून कर्ज घेऊन आत्महत्या केल्या होत्या.

वाचा - Investment Tips: ‘या’ 4 सवयी तुम्हाला करतील कंगाल, वेळीच व्हा सावध

पेटीएम आणि इतर कंपन्यांची भूमिका काय आहे?

वास्तविक, ईडीचे म्हणणे आहे की या कंपन्यांकडे असलेल्या भारतीय नागरिकांच्या कागदपत्रांचा वापर त्यांना बनावट संचालक बनवण्यासाठी केला जातो, तर त्या कंपन्या चीनमध्ये बसलेले लोक चालवत आहेत. ईडीच्या म्हणण्यानुसार, तपासणीच्या फेऱ्यात असलेल्या या कंपन्या पेमेंट सर्व्हिस कंपन्या आणि बँकांशी जोडलेल्या मर्चंट आयडी किंवा खाते वापरून गुन्ह्यातून पैसे गोळा करत होत्या. या कंपन्यांनी दिलेले पत्तेही बनावट आहेत. ईडी या प्रकरणांचा पीएमएलए अंतर्गत तपास करत आहे.

कंपन्यांनी काय म्हटले?

या संदर्भात पेटीएमचे प्रवक्ते म्हणाले, “आम्ही कायद्याची अंमलबजावणी करणाऱ्या एजन्सींना सहकार्य करत आहोत. काही व्यापारी त्यांच्या रडारवर आहेत, ज्यांच्याबद्दल एजन्सींनी आमच्याकडून माहिती मागवली होती.” रेझर पे च्या प्रवक्त्याने सांगितले की, “आमच्या काही व्यापाऱ्यांची सुमारे दीड वर्षापूर्वी कायद्याच्या अंमलबजावणीद्वारे चौकशी करण्यात आली होती. या संदर्भात सुरू असलेल्या तपासासंदर्भात अधिकाऱ्यांनी आम्हाला अतिरिक्त माहिती विचारली. आम्ही पूर्ण सहकार्य केले आणि त्यांना केवायसी आणि इतर तपशील दिले." त्याच वेळी, कॅशफ्री पेमेंट्सने सांगितले की, ईडीच्या कारवाईत पूर्ण सहकार्य करण्यात आले आणि तपासाच्या दिवशीच त्यांना आवश्यक माहिती देण्यात आली.

First published:

Tags: China, ED, Paytm