Home /News /explainer /

Kamikaze Drone काय आहेत? जे रशिया युक्रेन युद्धात ठरू शकतात गेम चेंजर!

Kamikaze Drone काय आहेत? जे रशिया युक्रेन युद्धात ठरू शकतात गेम चेंजर!

युक्रेनचे (Ukraine) राष्ट्राध्यक्ष वोलोडिमिर झेलेन्स्की यांनी रशिया-युक्रेन युद्धात (Russia Ukraine War) अमेरिकेला लष्करी मदतीचे आवाहन केले होते, त्यानंतर अमेरिकेने विशेष प्रकारच्या ड्रोनसह मोठ्या प्रमाणावर मदत जाहीर केली आहे. अमेरिका युक्रेनला कामिकाझे ड्रोन (kamikaze drones) देणार असल्याचे बोलले जात आहे. हा एक अतिशय प्राणघातक ड्रोन आहे, ज्याबद्दल तज्ञांचे म्हणणे आहे की ते युद्धात गेम चेंजर सिद्ध होऊ शकते.

पुढे वाचा ...
    कीव, 18 मार्च : रशिया युक्रेन युद्धात (Russia Ukraine War) अमेरिका आणि नाटो थेट सहभाग टाळत आहे. असे केल्यास तिसरे महायुद्ध होऊ शकते, अशी भीती अमेरिकेचे राष्ट्राध्यक्ष ज्यो बायडेन यांना वाटत आहे. पण युक्रेनला लष्करी मदत सुरूच आहे. अलीकडेच, युक्रेनचे अध्यक्ष वोलोडिमिर झेलेन्स्की यांनी अमेरिकन संसदेकडे अधिक लष्करी मदतीची मागणी केली आहे. आता अमेरिकेने युक्रेनला कामिकाझे ड्रोन (kamikaze drone) पुरवणार असल्याचे जाहीर केले आहे. हा पुरवठा गेमचेंजर ठरू शकतो, असे अमेरिकन तज्ज्ञांचे म्हणणे आहे. आतापर्यंत 2 अब्ज डॉलर्सची मदत अमेरिका आता युक्रेनला 80 कोटी डॉलर अतिरिक्त मदत देणार आहे. अशा प्रकारे बायडेन यांनी सत्ता हाती घेतल्यानंतर ही मदत 2 अब्ज डॉलरची होईल. या ड्रोनशिवाय, अमेरिका युक्रेनला 800 स्ट्रिंगर अँटी-एअरक्राफ्ट सिस्टम, 100 ग्रेनेड लाँचर्स, 2 कोटी लहान शस्त्रे, ग्रॅनाइट लाँचर्स आणि मोर्टार राउंड देणार आहे. कामिकाझे हा शब्द कुठून आला? कामिकाझे हा जपानी शब्द आहे. दुसऱ्या महायुद्धादरम्यान विशेष प्राणघातक हल्ला युनिटशी संबंधित हे नाव होते. यामध्ये लष्करी वैमानिक त्यांची लढाऊ विमाने क्रॅश करून आत्मघातकी मोहीम राबवत आणि त्यांच्यासोबत शत्रूंचा खात्मा करायचे. तेव्हापासून कामिकाझे हे नाव कोणत्याही आत्मघातकी मोहिमेशी जोडले गेले. अंतराळावर नेमकं कोणाचं वर्चस्व? रशिया-युक्रेन युद्धामुळे अख्ख्या जगावर संकट? कामिकाझे ड्रोन काय आहे? ड्रोनच्या दृष्टिकोनातून तो एक रोबोटिक बॉम्ब आहे जो अचूक आणि वेळेवर हल्ला करण्याच्या स्थितीत येईपर्यंत लक्ष्याजवळ उडतो. हे मार्गदर्शित क्रूझ क्षेपणास्त्र आणि मानवरहित हवाई वाहन (UAV) यांचे संयोजन आहे. एनबीसी न्यूजनुसार, व्हाईट हाऊसच्या तथ्य पत्रकात ते शंभर स्ट्रॅटेजिक यूएएसच्या बरोबरीचे शस्त्र मानले जाते. दोन व्हेरिएंटची चर्चा युक्रेनला कोणत्या प्रकारचे ड्रोन दिले जात आहे याची पुष्टी अद्याप झालेली नाही. परंतु, या ड्रोनच्या दोन प्रकारांची खूप चर्चा आहे. एक आहे Switchblade 300 आणि दुसरे Switchblade 600. Switchblade 300 लोकांना मारण्यासाठी डिझाइन केलेले आहे तर Switchblade 600 रणगाडे आणि इतर लष्करी वाहने नष्ट करण्यासाठी डिझाइन केलेले आहे. रोबोटिक स्मार्ट बॉम्ब हे प्रगत मार्गदर्शित क्षेपणास्त्र दूरवरून शत्रूच्या लक्ष्यांवर अचूक मारा करू शकते. अशा स्विचब्लेड ड्रोनमध्ये कॅमेरे, मार्गदर्शन प्रणाली, डिटोनेटर आणि रोबोटिक स्मार्ट बॉम्ब असतात. ड्रोनला उड्डाण करण्यासाठी प्रोग्रॅमही करता येते आणि गरजेनुसार त्यांची दिशा आणि वेगही बदलता येतो. Russia-Ukraine War: जगावर अण्वस्त्र हल्ल्याची टांगती तलवार! काय आहे क्षमता? स्विचब्लेडचे निर्माते AeroVironment च्या म्हणण्यानुसार, स्विचब्लेड 600 हे 40 मिनिटांसाठी हवेत 25 मैलांपर्यंत उडू शकते आणि नंतर 115 मैल प्रति तास वेगाने धडकू शकते. त्याचा छोटा प्रकार, Switchblade 300 दोन फूट लांब आणि फक्त 2.5 किलो वजनाचा आहे. हे वाहून नेणे सोपे आहे आणि मोर्टार सारख्या नळीतून देखील लॉन्च केले जाऊ शकते, ते 15 मिनिटे उडू शकते. दोन्ही प्रकारांना सेन्सर्स आणि GPS द्वारे लक्ष्याकडे निर्देशित केले जाऊ शकते. त्यांच्याकडे ऑपरेटर्ससाठी वेव्हऑफचीही सुविधा आहे, जेणेकरून ड्रोन पाठवल्यानंतरही हल्ला थांबवता येईल. अमेरिकन रीपर ड्रोनमधून डागलेल्या हेलफायर क्षेपणास्त्रापेक्षा ही एकल-वापरणारी शस्त्रे स्वस्त आहेत. त्याची किंमत 6 हजार डॉलर्सपेक्षा कमी आहे.
    Published by:Rahul Punde
    First published:

    Tags: Russia Ukraine

    पुढील बातम्या