रशिया युक्रेन युद्धामुळे अमेरिकेसह युरोपमध्ये 'या' औषधाची मागणी वाढली, किमतीत भरमसाठ वाढ!

कीव, 16 मार्च : रशिया युक्रेन युद्धाचे (Russia Ukraine War) गंभीर परिणाम आता समोर येताना दिसत आहेत. हा संघर्ष जसजसा लांबत चालला आहे, तसतसे तिसरे महायुद्ध सुरू होण्यासोबत अणुहल्ला (Nuclear Attack) होण्याची भीतीही व्यक्त होत आहे. एवढेच नाही तर युक्रेनच्या अणुऊर्जा प्रकल्पांवर हल्ला किंवा तिथल्या कोणत्याही अपघातामुळे किरणोत्सारी किरणोत्सर्गाचा धोकाही दिवसेंदिवस वाढत आहे. दुसरीकडे संघर्ष दीर्घकाळ झाल्यामुळे, अमेरिका आणि युरोपमध्ये पोटॅशियम आयोडाइड (Potassium Iodide) औषधाच्या मागणीत धक्कादायक वाढ झाली आहे. आण्विक हल्ल्याने काय होईल? अणुहल्ला झाल्यास किंवा अणु संयंत्रांचे नुकसान झाल्यास किरणोत्सर्गी आयोडीन हवेत पसरले जाईल. अशा परिस्थितीत, हे आयोडीन फुफ्फुस किंवा थायरॉईड ग्रंथीद्वारे शोषले जाण्याची शक्यता आहे, जे आरोग्यासाठी अत्यंत हानिकारक असेल. पोटॅशियम आयोडाइड म्हणजे काय? पोटॅशियम आयोडाइड हे पोटॅशियम आणि आयोडीनच्या घटकांपासून बनलेले असते जे रासायनिकरित्या KI म्हणून लिहिले जाते. यूएस सेंटर्स फॉर डिसीज कंट्रोल (CDC) नुसार, पोटॅशियम आयोडाइड हे आयोडीनचे मीठ आहे जे थायरॉईड ग्रंथीला किरणोत्सर्गी आयोडीन शोषण्यापासून प्रतिबंधित करते, त्यामुळे ग्रंथीला रेडिएशनचे नुकसान टाळते. Russia Ukraine War: एलोन मस्क यांचं पुतिन यांना खुलं चॅलेंज थायरॉईड ग्रंथी आणि आयोडीन थायरॉईड ग्रंथी मानवी शरीरात असे अनेक हार्मोन्स तयार करते जे शरीरावर नियंत्रण ठेवतात. किरणोत्सर्गी आयोडीन थायरॉईड ग्रंथीचे नुकसान करते. ज्यामुळे कर्करोग होऊ शकतो. सीडीसी असे म्हणते की सामान्यतः घरांमध्ये खाण्यासाठी वापरल्या जाणार्‍या मीठामध्ये किरणोत्सर्गी आयोडीन थायरॉईड ग्रंथीमध्ये प्रवेश करण्यापासून रोखण्यासाठी पुरेसे आयोडीन नसते. त्यामुळेच पोटॅशियम आयोडाइडचा वापर अन्नात सामान्य मिठाच्या जागी करावा, असे सांगितले जाते. पोटॅशियम आयोडाइड कसे कार्य करते? वास्तविक थायरॉईड ग्रंथी सामान्य मीठ आणि किरणोत्सर्गी आयोडीनमध्ये फरक करू शकत नाही. ते दोन्ही शोषून घेतात. परंतु CDC म्हणते की पोटॅशियम आयोडाइड थायरॉईडमध्ये किरणोत्सर्गी आयोडीन जाण्यापासून रोखते. KI अन्नातून थायरॉईड औषधाचे स्थिर आयोडीन शोषून घेते. यामुळे थायरॉईड ग्रंथीमध्ये इतके आयोडीन निर्माण होते की पुढील 24 तासांत ते जास्त आयोडीन शोषू शकत नाही. काळीज चिरणारा आवाज अन् खेळ खल्लास; चिमुकल्याच्या एका चुकीमुळे आईचा भयावह शेवट मागणी वाढल्याने भाव वधारले सीएनएनच्या रिपोर्टनुसार, अमेरिकेत या औषधाची किंमत वाढली आहे. युक्रेनमध्ये रशियाच्या हल्ल्यानंतर थायरोसेफ पोटॅशियम आयोडाइडच्या किमती वाढल्या आहेत. लंडनस्थित बीटीडी स्पेशालिटी फार्मास्युटिकल्सने असेही म्हटले आहे की अमेरिकेत पोटॅशियम आयोडाइडशी संबंधित औषधांची मागणी वाढली आहे. युरोपमध्ये किमती वाढल्या ही दहशत अमेरिकेतच नाही तर युरोपातही पाहायला मिळत आहे. युरोपातील अनेक देशांमध्ये अशा प्रकारच्या औषधांचा साठा दिसून येत आहे. बेल्जियममध्ये 3 हजार नागरिक या औषधासाठी फार्मसी शॉपमध्ये पोहोचले आहेत. युद्ध सुरू झाल्यापासून फिनलंडमध्येच पोटॅशियम-आयोडीन औषधांची मागणी शंभरपट वाढली आहे. एखाद्या व्यक्ती जेव्हा रेडिएशनच्या संपर्कात येत असेल तरच हे औषध घेण्याची शिफारस केली जाते. सीडीसीच्या वेबसाइटवर असे म्हटले आहे की हे औषध मोठ्या प्रमाणात घेतल्यास अधिक संरक्षण मिळेल, असे अजिबात नाही. उलटपक्षी, यामुळे गंभीर आजार आणि मृत्यू देखील होऊ शकतो.