Home /News /explainer /

Sextortion | तुम्हाला व्हिडीओ कॉलमध्ये इंटरेस्ट आहे का? या एका वाक्याने अनेकांचं आयुष्य झालं उध्वस्त!

Sextortion | तुम्हाला व्हिडीओ कॉलमध्ये इंटरेस्ट आहे का? या एका वाक्याने अनेकांचं आयुष्य झालं उध्वस्त!

इंटरनेटमुळे जग जवळ आलं असलं तरी त्यातून धोकेही खूप निर्माण झाले आहेत. गेल्या काही वर्षात सेक्सटॉर्शनद्वारे (Sextortion) लोकांकडून कोट्यवधी रुपये उकळले आहेत.

    मुंबई, 26 जानेवारी : फेसबुकवर तुम्हाला अनोळखी व्यक्तीकडून फ्रेंड रिक्वेस्ट येते. मैत्रीचा हात पुढे करून तुम्ही ती मान्य करता. संभाषणानंतर व्हॉट्सअॅप नंबरची देवाणघेवाण झाली आणि इथूनच विनाशाची कहाणी सुरू झाली. फेसबुकवरील (Facebook) प्रत्येक अनोळखी व्यक्ती कोणत्या ना कोणत्या गुन्ह्यासाठी तुमच्याशी हातमिळवणी करत आहे, असे अजिबात नाही. पण गेल्या अनेक महिन्यांपासून आलेल्या बातम्या सोशल मीडियावर अनोळखी व्यक्तीशी संपर्क साधण्यापूर्वी विचार करायला भाग पाडत आहेत. वास्तविक, आजकाल सायबर ठग (Cyber thieves) सेक्सुअल ब्लॅकमेलिंग (Sexual blackmailing) म्हणजे सेक्सटॉर्शनद्वारे (Sextortion) लोकांकडून पैसे उकळत आहेत. सेक्सटोर्शन म्हणजे काय माहित आहे? याला लोक कसे बळी पडतात? सेक्सटोर्शन म्हणजे वेबकॅम, मोबाईल किंवा व्हिडिओ कॉलद्वारे एखाद्या व्यक्तीच्या लैंगिक गोष्टी किंवा नग्न चित्रे रेकॉर्ड करून ब्लॅकमेल करणे. भारतातही त्याची प्रकरणे वाढत आहेत. शाळा-महाविद्यालयात शिकणारे तरुण, व्यापारी, राजकारणाशी निगडित लोक या रॅकेटचे बळी ठरतात. हा हनी ट्रॅप कोणासोबतही होऊ शकतो जागरूक राहा यामध्ये लोकांना हनी ट्रॅपप्रमाणे भक्ष्य बनवले जाते. सोशल नेटवर्किंग साइट्सच्या माध्यमातून कोणालाही फ्रेंड रिक्वेस्ट पाठवली जाते, मग हळूहळू वैयक्तिक गोष्टीही घडू लागतात. यानंतर समोरच्याला कॅमेऱ्यासमोर कपडे बदलण्यासाठी उत्तेजना दिली जाते. या प्रकारच्या फसवणुकीत पुरुष आणि स्त्रिया दोघेही सामील असू शकतात (Social networking frauds). काहीवेळा आरोपी वैयक्तिक नसून संपूर्ण टोळी असू शकते. या टोळीत हॅकर्सही आहेत. जे हॅकिंगच्या माध्यमातून ब्लॅकमेलिंग करतात आणि अनेकदा मोठ्या लोकांना अडकवतात. अशा प्रकरणात कायदेशीर कारवाई करणेही अवघड अशा वेळी अपशब्द आणि लज्जापोटी लोक या फसवणुकीची पोलिसांकडे तक्रार Cyber crime complain) करत नाहीत आणि गुंडांच्या मागण्या पूर्ण करतात. याबाबत तक्रार करणारे फार कमी लोक आहेत. बहुतेक लोकांनी या गुंडांना मोठी किंमत मोजली आहे. यामध्ये मुंबई, दिल्ली, बंगळुरू यांसारख्या शहरातील अनेक लोकांचा समावेश आहे. शाळेत मुलांमध्ये वाटले सॅनिटरी पॅड; 3 वर्षांपासून पैसेही जातायेत अकाऊंटमध्ये या घृणास्पद पद्धतींचा करतात अवलंब हिंदुस्तान टाईम्सच्या वृत्तानुसार, फोरपिक्स नावाचे एक बॉटनेट आहे जे दर तासाला लोकांना 30,000 ईमेल पाठवते. या इमेलद्वारे त्यांचा सेक्स कंटेंट लीक करण्याची धमकी देऊन खंडणीची मागणी केली जाते. पैसे न दिल्यास त्यांच्या वेबकॅममधून कॅप्चर केलेली लैंगिक सामग्री लीक करण्याची धमकी ईमेलमध्ये देण्यात आली आहे. थ्रेटपोस्टनुसार, संशोधकांचे म्हणणे आहे की, पाच महिन्यांत फोरपीएक्स मोहिमेच्या वॉलेटमध्ये सुमारे 14 बिटकॉइन ट्रान्सफर झाले आहेत, जे सुमारे 6.30 कोटी रुपयांच्या समतुल्य आहे. हे बॉटनेट देखील खूप धोकादायक मानले जाते कारण त्याला वापरकर्त्याचा पासवर्ड देखील माहित असतो. त्यामुळे वापरकर्त्याला त्यांचा पासवर्ड उघड करून घाबरवतो. या गोष्टींची विशेष काळजी घ्या अनोळखी व्यक्तीची फ्रेंड रिक्वेस्ट स्वीकारू नका. तुम्ही एखाद्याला ओळखत नसल्यास, त्यांच्याशी व्हिडिओ कॉलद्वारे कनेक्ट करू नका. ब्लॅकमेलिंग करणाऱ्या व्यक्तीला कधीही पैसे देऊ नका. अशा कोणत्याही परिस्थितीत, ताबडतोब सायबर पोलिसांकडे आपली तक्रार नोंदवा.
    Published by:Rahul Punde
    First published:

    पुढील बातम्या