'आम्हां मुलींच्या जन्माचं तुम्ही फक्त स्वागत नाही तर... प्राजक्ताची आई पप्पांसाठी स्पेशल पोस्ट

रानबाजार फेम अभिनेत्री प्राजक्ता माळी सध्या मराठीतील टॉप वन अभिनेत्री ठरली आहे. रानबाजारनंतर प्राजक्ताचा 'वाय' हा सिनेमा प्रेक्षकांच्या भेटीला आला आहे.

बीडमधील स्री भ्रूण हत्येच्या सत्य घटनेवर आधारीत हा सिनेमा असून प्राजक्ता या प्रमुख भूमिकेत दिसणार आहे.

सिनेमा प्रेक्षकांना आवडेल यात काही शंका नाही. दरम्यान प्राजक्तानं तिच्या कुटुंबाबरोबरचा फोटो शेअर करत त्यांचे आभार मानले आहेत.

आपण पाहिलं तर प्राजक्ताला एक भाऊ आहेत. तसंच तिच्या भावाला देखील दोन गोंडस मुली आहेत. त्यामुळे गायकवाड घरात स्त्रीयांची संख्या जास्त आहे.

याविषयी प्राजक्तानं तिच्या आई वडिलांचे आभार मानत फार मोलाची पोस्ट शेअर केली आहे.

'आई पप्पा तुमचे किती आणि कसे आभार मानू ? आम्हां मुलींच्या जन्माचं तुम्ही फक्त स्वागत नाही तर सोहळा केलात', असं प्राजक्तानं म्हटलं आहे.

वाय हा सिनेमा स्त्री भ्रूण हत्येसारख्या गंभीर विषयावर भाष्य करणारा सिनेमा आहे. प्राजक्तानं तिच्या कुटुंबाचं उदाहरण देत स्त्रियांचं महत्त्वं पटवून देण्याचा प्रयत्न केलाय.

प्राजक्ताच्या पोस्टमधून तिचं आणि तिच्या कुटुंबियांमध्ये असलेलं घट्ट नात्याची जाणीव होत आहे.

शेवटी तिनं 'चित्रपट पोचला पाहिजे, जीव वाचला पाहिजे', असं म्हणतं सिनेमा पाहण्याचं आवाहन केलं आहे.

प्राजक्ता नेहमीच तिच्या भाच्यांबरोबरचे तिचे फोटो शेअर करत असते. आत्या भाच्यांची धम्माल मस्ती पाहायला प्राजक्ताच्या चाहत्यांना नेहमीच आवडतं.