)
मुंबई, 28 ऑक्टोबर- अभिनेत्री दीपिका पादुकोण आणि कतरिना कैफ या बॉलिवूडच्या आघाडीच्या अभिनेत्रींपैकी एक आहेत. दीपिकाचा फिटनेस पाहून सर्वांच्याच लक्षात येतं की, अभिनेत्री जीममध्ये अफाट मेहनत घेत असणार. पण कतरिनाने बनवलेल्या एका व्हिडिओने तिचं रहस्य उघड केलं आहे. दीपिकाने स्वतः कतरिनाने बनवलेला व्हिडिओ आपल्या इन्स्टाग्राम अकाउंटवर शेअर केला आहे. हा मजेदार व्हिडिओ पाहिल्यानंतर सेलिब्रिटींनाही हसू आवरणं कठीण झालं आहे. तर अनेक चाहते या दोन्हीं सुंदर अभिनेत्रींना चित्रपटात एकत्र पाहण्याची इच्छा व्यक्त करत आहेत.सध्या दीपिकाचा व्हिडीओ मात्र प्रचंड चर्चेत आला आहे. दीपिका पादुकोन सोशल मीडियावर प्रचंड सक्रिय असते. ती सतत आपले फोटो आणि व्हिडीओ शेअर करत असते. चाहत्यांना तिच्या प्रत्येक पोस्टची आतुरता असते. तसेच दीपिका अनेक मजेशीर गोष्टीदेखील शेअर करत असते. नुकतंच दीपिका पादुकोणने इन्स्टाग्रामवर शेअर केलेला व्हिडिओ पाहून तुम्हालाही आश्चर्य वाटेल. या व्हिडीओमध्ये कोणी निळ्या कापडाच्या झोपाळ्यात जिममध्ये आराम करताना दिसत आहे. यामध्ये आराम करत असलेली व्यक्ती ती दुसरी कोणी नसून स्वतः दीपिका आहे. आणि जिमच्या आत दीपिकाची ही मजेशीर कृती कतरिना कैफने तिच्या कॅमेऱ्यात कैद केली आहे. मात्र, या व्हिडिओमध्ये कतरिना किंवा दीपिका दोघीही दिसत नाहीयेत. **(हे वाचा:** Diwali Look 2022: कतरिना कैफच्या लुकची जोरदार चर्चा; अभिनेत्रीने दिवाळीला नेसली इतकी महागडी साडी )
दीपिका पादुकोनने आपल्या इन्स्टाग्राम अकाउंटवर हा मजेशीर व्हिडिओ शेअर करत कॅप्शनमध्ये लिहलंय की, ‘मी जिममध्ये खूप मेहनत घेत आहे.. दरम्यान, कतरिना कैफ माझ्यासोबत ठीक करत नाहीय. यासोबतच कॅमेऱ्याचे इमोजीही शेअर केले आहेत. ज्यावरून कतरिना व्हिडिओ बनवत असल्याचं स्पष्ट झालं आहे.हा व्हिडीओ सध्या सोशल मीडियावर जोरदार व्हायरल होत आहे. या दोन्ही आघाडीच्या अभिनेत्रींची केमिस्ट्री चाहत्यांना प्रचंड पसंत पडत आहे.
या मजेशीर व्हिडिओवर चाहत्यांसोबत सेलिब्रेटीही प्रतिक्रिया देत आहेत. या दोन्ही अभिनेत्रींना चित्रपटात एकत्र पाहण्यासाठी अनेक चाहते उत्सुक आहेत. दरम्यान इशान खट्टरने ‘द ममी रिटर्न्स’ अशी मजेशीर कमेंट केली आहे आणि हा मजेदार व्हिडिओ पाहून वरुण धवनने अनेक हसण्याचे इमोजी शेअर केले आहेत. कतरिनाने या व्हिडिओवर ‘आम्हाला दोन झोपाळे पाहिजेत’ अशी मजेशीर कमेंटही लिहिली आहे.लवकरच कतरिना कैफ ‘फोन भूत’मध्ये इशान खट्टर आणि सिद्धांत चतुर्वेदीसोबत दिसणार आहे. तर दीपिका पादुकोण ‘पठाण’मध्ये शाहरुख खान आणि जॉन अब्राहमसोबत दिसणार आहे. ‘पठाण’ पुढील वर्षी 25 जानेवारीला रिलीज होणार आहे तर ‘फोन भूत’ नोव्हेंबरमध्ये रिलीज होणार आहे.
+6
फोटो
