राज कुंद्राला मुंबईत सोडून जयपूरला पोहचली शिल्पा शेट्टी, नेटकरी म्हणाले- 'एकटी एकटी...'

राजस्थान आता डेस्टिनेशन वेडिंगचे हब बनत आहे. कतरिना कैफ आणि विकी कौशल यांच्या नुकत्याच झालेल्या लग्नानंतर आता राज्यसभा खासदार प्रफुल्ल पटेल यांच्या मुलाचे लग्नही जयपूरमध्ये होणार आहे, ज्यामध्ये अनेक बॉलिवूड आणि क्रिकेट स्टार्स सहभागी होण्यासाठी जयपूरला पोहोचले आहेत. या लग्नाला हजेरी लावण्यासाठी बॉलिवूड अभिनेत्री शिल्पा शेट्टीही आज संध्याकाळी जयपूरला रवाना झाली. पण यावेळी शिल्पा एकटी असल्यानं तिचा पती राज कुंद्रा किंवा मुलं तिच्यासोबत दिसली नाहीत.

या रॉयल वेडिंगमध्ये सहभागी होण्यासाठी शिल्पा पती राज कुंद्रा आणि मुलांना मुंबईत सोडून एकटी जयपूरला पोहोचली आहे.

अशा परिस्थितीत तिला पुन्हा एकदा पती राज कुंद्रा यांचे नाव घेत ट्रोल केलं जात आहे.

शिल्पा शेट्टीच्या फोटो आणि व्हिडिओंवर कमेंट करत युजर्स तिला विचारत आहेत की राज कुंद्रा या लग्नाला का आला नाही?, त्यामुळं आता या प्रश्नावर तिला ट्रोल केलं जात आहे.

त्याचवेळी, या सगळ्यामध्ये राज कुंद्रा त्याचा मुलगा विवान सोबत मुंबईत स्पॉट झाला आहे.

या दरम्यान राज कुंद्रा मीडियापासून दूर राहण्याचा पुरेपूर प्रयत्न करताना दिसला. मास्कच्या मदतीनं त्यानं आपला संपूर्ण चेहरा लपवलेला होता.

पोर्नोग्राफी प्रकरणानंतर राज कुंद्रा आणि शिल्पा शेट्टी अनेकदा ट्रोलच्या निशाण्यावर असतात आणि पुन्हा एकदा असंच काहीसं घडताना दिसत आहे.