)
मुंबई, 11 फेब्रुवारी- बॉलिवूड (Bollywood) अभिनेता आपल्या चित्रपटांप्रमाणेच सोशल मीडियावरसुद्धा प्रचंड सक्रिय असतो. रणवीर सिंह (Ranveer Singh) सतत काही ना काही पोस्ट करून चर्चेत असतो. सर्वांनाच माहिती आहे की दीपिका (Deepika padukone) आणि रणवीर एकमेकांवर सतत प्रेम व्यक्त करत असतात. दरम्यान हातात तर रणवीरने छोटी दीपिका शोधून काढली आहे. ही छोटी दीपिका (Choti Deepika) दुसरी कोणी नसून मराठी मुलगी टिक टॉकर राशी शिंदे आहे. रणवीर सिंहने आपल्या ट्विटर अकाउंटवर एक व्हिडिओ शेअर केला आहे. ज्यामध्ये राशी शिंदे दीपिका पादुकोणची जबरदस्त नक्कल करताना दिसत आहे. हा व्हिडीओ शेअर करत रणवीरने कॅप्शनमध्ये लिहिलं आहे, ‘लीलासारखा कोणी नाही.. दीपिका बघ, हे तुझे मिनी व्हर्जन आहे. तिचे एक्स्प्रेशन खूप आवडले.’ हा व्हिडिओ रणवीर सिंहने शेअर करताच सोशल मीडियावर व्हायरल होऊ लागला आहे. हा व्हिडिओ पाहून चाहते आश्चर्यचकित झाले आहेत. लोकांना हा व्हिडिओ खूप आवडला आहे. यावर एका युजरने कमेंट करत लिहिलं की, त्याचा यावर विश्वास बसत नाहीय, तर दुसऱ्या यूजरने कमेंट करत लिहलंय, खरोखरच उत्तम परफॉर्मन्स. एकाने लिहिलं आहे ‘ही तर आमची क्रिएटर आहे. आता तर राशी शिंदे स्टार बनली आहे’. तर आणखी एकाने कमेंट करत अप्रतिम असं म्हटलं आहे’.
Leela jaisi koi nahi! 😄
— Ranveer Singh (@RanveerOfficial) February 9, 2022
Check out this mini version of you! @deepikapadukone
Love the expressions! ❤️ #chotideepika pic.twitter.com/sY3Pa692CG
राशी शिंदे ही एक मराठमोळी मुलगी आहे. ती सोशल मीडियावर प्रचंड लोकप्रिय आहे. ती सतत विविध अभिनेत्रींचे रील्स बनवत असते. राशी शिंदे टिक टॉकमुळे प्रसिद्ध झाली होती. तिचे अनेक चाहते निर्माण झाले आहेत. तिचे अफाट व्हिडीओ सोशल मीडियावर पाहायला मिळतात. राशी इतक्या लहान वयात आपल्या एक्स्प्रेशनने सर्वांनाच घायाळ करते. तिचे सध्या इन्स्टाग्रामवर २ मिलियन फॉलोअर्स आहेत.
+6
फोटो
