)
मुंबई, 28 ऑक्टोबर- मनोरंजन सृष्टीतून काल एक धक्कादायक वृत्त समोर आलं होतं. ‘भूतियापा’, ‘देहाती डिस्को’ सारखे चित्रपट निर्माण करणारे निर्माता कमल किशोर मिश्रा यांच्यावर पत्नीला कारने चिरडल्याचा आरोप करण्यात आला होता. या घटनेचा व्हिडिओही समोर आला होता. परंतु कमल किशोर मिश्रा फरार झाले होते. दरम्यान आता निर्माते कमल किशोर मिश्राला मुंबई पोलिसांनी अटक केली आहे. कमल किशोर मिश्रा यांची अटक काल रात्री झाली.पोलीस आज कमलकिशोर मिश्रा यांना मुंबईतील अंधेरी न्यायालयात हजर करणार आहेत.कमलकिशोर मिश्रा यांनी स्वत:च्या पत्नीला कारने चिरडलं होतं. नेमकं काय घडलं? निर्माता कमल किशोर मिश्रा यांच्यावर पत्नीला कारने चिरडल्याचा आरोप आहे. काल या घटनेचा व्हिडिओही समोर आला होता. वास्तविक, पत्नीने कमलला दुसऱ्या महिलेसोबत पकडलं होतं. त्यानंतर हा अपघात झाला. पोलिसांनी बुधवारी सांगितले की, घटनेच्या सीसीटीव्ही फुटेजच्या आधारे कमलविरुद्ध गुन्हा दाखल करण्यात आला आहे. व्हिडिओमध्ये कमलची पत्नी जमिनीवर पडताना दिसत होती. ही घटना 19 ऑक्टोबर रोजी पश्चिम अंधेरीतील एका निवासी इमारतीच्या पार्किंग परिसरात घडली होती. **(हे वाचा:** धक्कादायक! प्रसिद्ध निर्मात्याने पत्नीला कारने चिरडलं; परस्त्रीसोबत पकडल्याने केला कांड, CCTV फुटेज VIRAL ) ANI या वृत्तसंस्थेने या घटनेचा एक्स्ल्युझिव्ह व्हिडिओ शेअर केला होता. व्हिडीओमध्ये दिसलं होतं की पार्किंग एरियामध्ये एक महिला कार चालकाला थांबवते. पण तो थांबत नाही आणि तिला कारसमोर धडकतो. ती महिला पडते आणि नंतर कारचा पुढचा भाग तिच्यावर आदळतो. यामध्ये एक व्यक्ती धावत येऊन महिलेला कारखालून बाहेर काढतो. पत्नीला कारने धडक दिल्याप्रकरणी चित्रपट निर्माते कमल किशोर मिश्रा यांच्याविरोधात आंबोली पोलीस ठाण्यात आएपीसी कलम 289 आणि 338 अंतर्गत गुन्हा दाखल करण्यात आला होता. या घटनेनंतर आपल्या डोक्याला जबर दुखापत झाल्याचं त्यांच्या पत्नीचं म्हणणं आहे. दरम्यान चित्रपट निर्माता कमल अद्याप फरार होता. त्याचा शोध सुरु असून याप्रकरणी तपास सुरु असल्याचं पोलिसांनी सांगितलं होतं. त्यानुसार काल रात्री मुंबई पोलिसांनी कमल किशोर मिश्रा यांना ताब्यात घेतलं आहे.
कमल किशोर मिश्रा यांच्या पत्नीने नेमकं काय सांगितलं? बॉलिवूड निर्माता कमल किशोर मिश्रा यांच्या पत्नीने पोलिसांना जबाब नोंदवत सांगितलं की, ‘जेव्हा मी कमल किशोर मिश्रा यांच्या घरी गेले होते. तेव्हा ते आपल्या कारमध्ये एका दुसऱ्या महिलेसोबत बसले होते. ते त्या महिलेसोबत रोमँटिक होत होते. हे सर्व पाहून मी कारच्या खिडकीची काच ठोठावली. त्यांना खिडकी उघडण्यास सांगितलं. मला त्यांच्याशी बोलायचं असल्याचंही सांगितलं. परंतु त्यांनी माझं काहीच नाही ऐकलं. आणि ते कार चालू करुन पळ काढू लागले. यादरम्यान मी गाडी खाली आले. त्यांनी मलाच चिरडलं. या घटनेदरम्यान माझ्या डोक्याला जरब दुखापत झाली आहे’.
+6
फोटो
