'कर्जात बुडाली होती नुसरत, मी मोठी रक्कम दिली'; निखिल जैनचा मोठा खुलासा

नुशरत जहां (Nusrat Jahan) आणि पूर्व पती निखिल जैन (Nikhil Jain) यांच्यातील वाद संपण्याचं नाव घेत नाही. दिवसेंदिवस हा विषय आणखीनच वाढत आहे. नुशरतने निखिलवर तिच्या अकाउंटमधून पैसे काढण्याचा आरोप लावला होता. त्यावर आता त्याने काही खुलासे केले आहेत.

निखिल जैन (Nikhil Jain) आणि नुशरत जहां (Nusrat Jahan) २०१९ मध्ये विवाहबद्ध झाले होते. पण त्यांच्यातील दूरी ही लग्नाच्या वर्षभरानंतरच लाढू लागली.

निखिलने नुशरतच्या आरोपांना पूर्णपणे नाकरलं आहे. व नुशरत घराच्या कर्जात बुडाली होती. मी तिला माझ्या कुटुंबाच्या अकाउंटवरून पैसे ट्रान्सफर केले होते.

पुढे निखिलने सांगितलं की तिने जे काही पैसे ट्रान्सफर माझ्या कुटुंबाच्या अकाउंटमध्ये केले आहेत ते व्याजाच्या स्वरुपातले होते. व अजूनही बरच देणं बाकी आहे.

निखिल जैनने पुढे सांगितलं की, 'मी तिला हे पैसे ती कधीना कधी परत करेन याचं उद्देशाने दिले होते. तिने लावलेले सगळे आरेप निर्थक आहेत तसेच अपमानजनकही आहेत.'

पुढे त्याने म्हटलं की, 'मी तिच्याविषयी ऐकून एकदम तुटलो होतो. व असं वाटत होतं की माझ्यासोबत विश्वासघात होत आहे.'

निखिलने हे ही सांगितलं की, 'कोणताही पुरावा किंवा साक्षीदार शोधण्याची गरज नाही. सबळ पुरावा म्हणजे माझं बँक अकाउंट आणि स्टेंटमेंट.'

त्याने म्हटलं की, 'माझ्या परिवाराने तिला जे काही दिलं ते स्वतःची मुलगी समजून दिलं. त्यांना हा दिवस पाहावा लागेल हे माहितही नव्हतं.'

पुढे तो म्हणाला, 8 मार्च, 2021 ला नाईलाजाने माला अलीपूर सिव्हिल कोर्टात आमचं लग्न रद्द करण्यासाठी याचिका करावी लागली.

निखिलने सांगितलं की, 'अजूनही केस कोर्टात पेंडिग आहे. त्यामुळे मी कोणतही वक्तव्य करण्यापासून स्वतःला अडवत होतो. पण नुशरतच्या बिन बुडाच्या आरोपांमुळे मला बोलावं लागत आहे. मी वैयक्तिक आयुष्याचा जास्त खुलासा करणार नाही.'