नेहाची कक्करची मिडनाईट डोसा पार्टी; खास व्यक्तीसोबत केली भटकंती

मुंबई, 13 डिसेंबर : अगदी महिनाभरापूर्वी  लग्नबंधनात अडकलेलं कपल नेहा कक्कर आणि रोहनप्रीत सिंग जोरदार चर्चेत आहे. नेहाचे लग्नपासून हनिमून पर्यंतचे फोटो सोशल मीडिया (social Media) ट्रेंडिंग होते. आता पुन्हा एकदा नेहाचा पती रोहनप्रीत बरोबरचा व्हिडीओ व्हायरल झाला आहे.

शनिवारी रात्री  नेहा कक्करला तिचा पती रोहनप्रीत सिंह बरोबर मुंबईच्या रस्त्यावर फिरताना दिसले. दोघंही कुठे निघाले विचारलं असता 'ते डोसा खायला निघाले आहेत' असं उत्तर नेहाने दिल. दरम्यान दोघंही एकमेकांबरोबर फारच आनंदी दिसत आहेत. नेहा आणि रोहनप्रीतला स्पॉट केलेल्या कॅमरामॅनने त्यांचा हा व्हिडिओ स्वतःच्या इंस्टाग्राम (Instagram) अकाउंटला शेअर केला असून त्यावर काही तासातच 55 हजारापेक्षा अधिक लाईक्स आले आहेत.व्हिडिओमध्ये नेहा कक्कर आणि रोहनप्रीत सिंग कारमध्ये बसून असल्याचं दिसत आहे. सध्या नेहाचा हा व्हिडीओ सोशल मीडियावर जोरदार व्हायरल होताना दिसत आहे.

View this post on Instagram

A post shared by Viral Bhayani (@viralbhayani)

नेहा कक्कर (Neha Kakkar) कायमच सोशल मीडियावर (Social Media) अ‍ॅक्टिव्ह असते. इंस्टाग्रामवर (Instagram) तिचे 5 कोटींच्या जवळपास फॉलोअर्स (Followers) आहेत. नेहा तिच्या आयुष्यातील प्रत्येक अपडेट तिच्या सोशल मीडिया पेज वरून देताना दिसते. एक महिन्यापूर्वीच नेहा सिंगर रोहनप्रीत सिंह (Rohanpreet Singh) बरोबर लग्न बंधनात अडकली असून तिने तिच्या लग्नाचे फोटो तिच्या इंस्टाग्राम पेजवर शेअर केले होते. आता लग्नानंतर पहिल्यांदाच नेहा रोहनप्रीतबरोबर मुंबईच्या रस्त्यावर भटकताना ती दिसली.