'लँड करा दे...' VIRAL व्हिडीओतील तो घाबरलेला तरुण रिअॅलिटी शोमध्ये, शहनाज गिलबरोबर लग्न करण्यासाठी सज्ज

'लँड करा दे...' VIRAL व्हिडीओतील तो घाबरलेला तरुण रिअॅलिटी शोमध्ये, शहनाज गिलबरोबर लग्न करण्यासाठी सज्ज

शहनाज की शादी (Shehnaaz Ki Shaadi) हा शो कलर्सवर सुरू होणार आहे. यामध्ये बोहल्यावर चढण्यासाठी ज्या स्पर्धकांनी सहभाग नोंदवला आहे त्यात 'बस लँड करा दे..' या व्हायरल व्हिडीओतील तरुण या कार्यक्रमात सहभागी होणार आहे.

  • Share this:

मुंबई, 17 फेब्रुवारी : सलमान खान (Salman Khan)चा शो 'बिग बॉस' (Bigg Boss)मध्ये पंजाबची कटरिना कैफ (Punjab Ki Katrina Kaif) म्हणून प्रसिद्ध झालेली पंजाबी गायिका शहनाज गिल (Shehnaaz Gill) आता लग्नाच्या बोहल्यावर चढणार आहे. बिग बॉसच्या घरातून बाहेर पडून एक दिवस नाही झाला आहे तोच शहनाज आणखी एका रिअॅलिटी शोमध्ये दिसणार आहे. यामध्ये शहनाज सहभागी प्रतिस्पर्ध्यांमधून स्वत:साठी नवरदेव शोधणार आहे. शहनाज की शादी (Shehnaaz Ki Shaadi) असं या कार्यक्रमाचं नाव असून आजपासूनच हा शो कलर्सवर सुरू होणार आहे. यामध्ये बोहल्यावर चढण्यासाठी अनेक स्पर्धकांनी सहभाग नोंदवला आहे.

शहनाजबरोबर लग्न करण्यासाठी अनेकांनी या स्पर्धेत सहभाग घेतला आहे. मात्र यातील एक चेहरा पाहून तुम्हाला असं वाटेल ‘अरे, याला कुठेतरी पाहिलं आहे…’ तर हा मुलगा आहे विपिन साहू, जो नुकताच एका पॅराग्लायडिंगच्या व्हायरल व्हिडीओमधून प्रसिद्ध झाला होता.  विपिनला पॅराग्लायडिंग करायला सुरूवात केल्यानंतर त्याला लक्षात आलं की त्याला उंचीची भीती वाटले. यामध्ये त्याने खूप साऱ्या शिव्या देखील दिल्या होत्या. काही काळातच हा व्हिडीओ प्रचंड व्हायरल झाला होता. त्यावर अनेक मीम्स देखील बनले होते. तर हाच विपिन शहनाजबरोबर लग्न करण्यासाठी सज्ज झाला आहे.

या कार्यक्रमाचं सूत्रसंचालन मनीष पॉल करणार आहे. टीआरपीच्या रेसमध्ये हा कार्यक्रम किती पुढे जातो हे पाहणं महत्त्वाचं ठरेल

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags:
First Published: Feb 17, 2020 07:01 PM IST

ताज्या बातम्या