)
मुंबई, 27 फेब्रुवारी- छोट्या पडद्यावरील ‘जीव माझा गुंतला’ या मालिकेतून प्रेक्षकांची मन जिंकणारी सर्वांची लाडकी अभिनेत्री म्हणजे योगिता चव्हाण. योगिता चव्हाणला या मालिकेमुळे महाराष्ट्राच्या घराघरात पोहचली. योगिता सोशल मीडियावर प्रचंड सक्रीय असते. नुकताच योगित चव्हाणनं एक व्हिडिओ शेअर केला आहे. यामध्ये योगिता भारावून गेल्याचे दिसत आहे. चाहत्यांनी तिचं अभिनंदन केलं आहे. योगिता चव्हाणनं तिचा एक व्हिडिओ पोस्ट केला आहे. हा व्हिडिओ पोस्ट करत तिनं म्हटलं आहे की, लहानपणी खारी खाताना कधी विचार नव्हता केला की खारी टोस्ट बिस्किट च्या पॅकेटवर कधी माझा फोटो लागेल. एक वेगळंच स्वप्न पूर्ण झालंय. या संधीबद्दल “रुची बेक” यांचे खूप खूप आभार! अंतराच्या भूमिकेने मला घराघरात पोहोचवलंय, प्रेक्षकांचं भरभरून प्रेम मिळतंय, याबद्दल कलर्स मराठी आणि जीव माझा गुंतला टीमचे मन:पुर्वक आभार.Grateful 😇 #happy #blessed #coloursmarathi. वाचा- ‘हा’ प्रसिद्ध मराठी अभिनेता होता प्राजक्ताचा क्रश; म्हणाली ‘मी आईला हा जावई….’ कलाकारांना त्यांच्या भूमिका मोठ्या करत असतात. याच भूमिकांमध्ये कलाकार त्यांच्या अभिनयाने रंग भरत असतात. म्हणूनच प्रेक्षक या कलाकाराचे चेहरे पाहून वस्तू खरेदी करत असतात, यामागं विश्वास असतो. आमक्या एका कलाकारानं याची जाहिरात केली आहे म्हणजे ही वस्तू चांगली असणार असा विश्वास लोकांना असतो. योगितानं देखील जीव माझा गुंतला मालिकेच्या टीमचं आभार मानलं आहे. या मालिकेनं तिला ओळख मिळाली व अशाप्रकारची संधी मिळाली.
कलर्स मराठी वरील ‘जीव माझा गुंतला’ ही मालिका अल्पावधीतच प्रेक्षकांची आवडती बनली आहे . यातील मल्हार आणि अंतराची जोडी, त्यांची भांडण देखील प्रेक्षकांना आवडत आहे. अभिनेता सौरभ चौघुले आणि अभिनेत्री योगिता चव्हाण या दोन नविन चेहऱ्यांना प्रेक्षक भरभरून प्रेम देतायत . अभिनेत्री योगिता चव्हाण हिचा जन्म 27 मार्च 1994 रोजी मुंबई मध्ये झाला. तिचं शालेय शिक्षण S.B.M पडवळ विद्यालय इंग्लिश मीडियम स्कूल ठाणे मधुन पुर्ण झालय तर तिने तिचं B.Com च शिक्षण SK सोमईया कॉलेज मधुन पुर्ण केलय. योगिताने अभिनय क्षेत्रात येण्याआधी मॉडेलिंग केलय त्याचसोबत 2016 मध्ये श्रावण क्वीनचे विजेतेपद देखील तिने पटकवले होते.
जाडू बाई जोरात, बापमाणुस, नवरी मिळे नवऱ्याला यांसारख्या मराठी मालिकांमध्ये तिने महत्वाच्या भूमिका साकारल्या आहेत. तर ‘भाकरवाडी’ सारख्या हिंदी मालिकेत देखील तिने काम केलय. 2018 मध्ये तिने गावठी या चित्रपटात गौरी हे मुख्य भूमिका असलेले पात्र साकारले होते.
+6
फोटो
