• Home
  • »
  • News
  • »
  • entertainment
  • »
  • राम गोपाल वर्मांनी केलं कंगना रणौतचं कौतुक, अभिनेत्रीची प्रतिक्रिया VIRAL

राम गोपाल वर्मांनी केलं कंगना रणौतचं कौतुक, अभिनेत्रीची प्रतिक्रिया VIRAL

प्रसिद्ध दिग्दर्शक राम गोपाल वर्मा (Director Ram Gopal Varma)आणि कंगनाचं विविध राजकीय मुद्द्यांवरून अनेकदा खटकलं आहे. असं असताना राम गोपाल वर्मा यांनी कंगनाचा आगामी चित्रपट 'थलाइवी'चा ट्रेलर (Thalaivi Trailer) पाहून कंगनावर स्तुतीसुमनं उधळली आहेत.

  • Share this:
    • मुंबई, 24 मार्च: बॉलिवूड अभिनेत्री कंगना रणौत (Kangana Ranaut) अभिनयासोबतचं तिच्या वादग्रस्त वक्तव्यांसाठीही ओळखली जाते. ती विविध राजकीय प्रश्नांवरून अनेक बॉलिवूडच्या कलाकारांसोबत पंगा घेताना दिसते. प्रसिद्ध दिग्दर्शक राम गोपाल वर्मा (Director Ram Gopal Varma) यांच्यासोबतही कंगनाचं अनेकदा खटकलं आहे. त्यांचं ट्विटरवर अनेकदा शाब्दिक युद्ध (twitter war) रंगलं आहे. अशातच राम गोपाल वर्मा यांनी कंगनाचा आगामी चित्रपट 'थलाइवी'चा ट्रेलर (Thalaivi Trailer) पाहून कंगनावर स्तुतीसुमनं उधळली आहेत. दिग्दर्शक राम गोपाल वर्मा यांनी कंगनाच्या अभिनयाचं कौतुक केलं आहे, तसेच तिला चित्रपटासाठी शुभेच्छा दिल्या आहेत. 23 मार्च रोजी कंगनाचा वाढदिवस होता. याच पार्श्वभूमीवर 'थलाइवी' चित्रपटाचा ट्रेलर प्रदर्शित करण्यात आला होता. या ट्रेलरनंतर कंगनाच्या चाहत्यांसोबतच बॉलिवूडच्या अनेक कलाकरांनी तिच्या अभिनयाचं कौतुकं केलं आहे. यामध्ये राम गोपाल वर्मांनीही तिचं कौतुक केल्यानं संबंधित ट्वीट चांगलचं व्हायरल होतं आहे. याला कंगनानेही शेलक्या शब्दांत प्रतिक्रिया दिली आहे. यावेळी राम गोपाल वर्मा यांनी ट्वीट करताना म्हटलं की, ' हे! कंगना... मी तुझ्या काही मतांबद्दल आणि अतिशयोक्तिवर असहमत असू शकतो. पण तुझ्या सुपर डुपर थलाइवी चित्रपटासाठी तुला मी सलाम करतो. चित्रपटाचा ट्रेलर अप्रतिम आहे.  जयललिता देखील स्वर्गात बसून आनंदित होत असतील.'
    यावर कंगनानेही दिग्दर्शक राम गोपाल वर्मा यांच्या खिलाडू वृत्तीचं कौतुक केलं आहे. तिने संबंधित ट्वीटला क्वोट करताना लिहिलं की, 'हॅलो सर! मी तुमच्याशी सहमत आहे. तुम्ही मला खूप आवडता आणि मी नेहमीच तुमची प्रशंसा करते. अहंकारांनी भरलेल्या या जगात जिथं लोकं इगो आणि गर्वासाठी लगेच दुखावले जातात. असं असताना तुम्ही काही गांभीर्यानं घेत नाहीत, अगदी स्वत:लाही. मी तुमच्या या गुणाचं कौतुक करते. चित्रपटासाठी माझं कौतुक केल्याबद्दल धन्यवाद!' हे ही वाचा - ‘कंगना जयललितांच्या भूमिकेत, मस्करी करताय का?’; राम गोपाल वर्मांचा टोला कंगनाने दिलेली ही प्रतिक्रिया सध्या सोशल मीडियात चांगलीच व्हायरल होतं आहे. कंगनाचा थलाइवी हा चित्रपट तामिळनाडूच्या दिवंगत माजी मुख्यमंत्री जयललिता यांच्या जीवनवर अधारित आहे. या चित्रपटात जयललिता यांचा 'एक प्रसिद्ध अभिनेत्रीपासून ते एका यशस्वी राजकारणीपर्यंतचा प्रवास दाखवला आहे. हा चित्रपट 23 मार्च रोजी देशातील सर्व चित्रपटगृहात प्रदर्शित केला जाणार आहे.
    Published by:News18 Desk
    First published: