)
मुंबई, 24 मे: झी मराठीवरील देवमाणूस2 (Devmanus 2) ही मालिका प्रेक्षक आवर्जुन पाहत असतात. मालिकेत मार्तंड जामकर (Martand Jamkar) या पोलीस अधिकाऱ्याची एंट्री झाल्यापासून मालिकेत नवा ट्विट्स पाहायला मिळत आहे. जामकरांची गावात बदली झाल्यापासून ते डॉक्टर अजितकुमारच्या (Dr. Ajitkumar Deo) मागे हात धुवून लागले आहेत. सतत डॉक्टरांवर लक्ष ठेवून असलेल्या जामकरांनी त्याला चांगलाच जाण्यात ओढला असून मालिका आता वेगळ्या वळणार येऊन ठेपली आहे. देवमाणूस मालिकेच्या मागच्या भागात चिनूचा मृत्यू झाला आहे. चिनूच्या जाण्याने सर्वांनाच मोठा धक्का बसला असून आपल्यावर आळ येऊ नये यासाठी अजितकुमार दुख: झाल्याचं नाटक करत आहे. गावात एकामागोमाग होणाऱ्या संशायस्पद मृत्यूमागचं गुढ शोधण्याचा विडा उचलेल्या जामकरांच्या हाती आता सोनूची चिठ्ठी लागली आहे. त्यामुळे मालिकेचे या आठवड्यातील भाग पाहणे महत्त्वाचं ठरणार आहे. देवमाणूस मालिकेच्या येत्या एपिसोडचा एक छोटा प्रोमो समोर आला असून सानूने मृत्यूआधी लिहिलेली चिठ्ठी जामकरांच्या हाती लागली आहे. हीच चिठ्ठी जामकर सर्वांसमोर कोर्टात सादर करणार आहे. चिठ्ठी पाहून कोर्टाने अजित कुमारची रवानगी तुरुंगात करण्याचे आदेश देतात. हेही वाचा - ‘शेवंता सारखं कॅरेक्टर मला करायला मिळाले हे मी माझं भाग्य’ अभिनेत्रीची पोस्ट चर्चेत
7 मिनिटांच्या प्रोमोमध्ये जामकर सोनूने मृत्यूने लिहिलेली चिठ्ठी कोर्टात वाचून दाखवतात. चिठ्ठीत असे लिहिलेलं असते की, प्रिय आई, मी आता डॉक्टरांशिवाय राहू शकत नाही. मला तुला एकट सोडून जायचं नाही पण माझा नाइलाज आहे. या चिठ्ठीनंतर अजितकुमारसह कोर्टातील सगळ्यांच्यात भुवया उंचावल्या आहेत. चिठ्ठी कोर्टासमोर सादर केल्यानंतर जामकर अजितकुमारच्या 14 दिवसांच्या तुरुंगातील कोठडीची मागणी करतात आणि ती मागणी कोर्ट मंजूर करते. शेवटी मार्तंड अजितकुमारला तुला भूतकाळ एकत्र घालवायचा आहे म्हणत कानशिलात लगावतात. प्रोमो वरुनतरी अजित कुमारला पुन्हा एकदा अटक होणार हे समोर आलं आहे. परंतु 14 दिवसांची शिक्षा भोगून अजितकुमार पुन्हा बाहेर येणार? की कथानकात आणखी काही ट्विस्ट येणार याकडे सर्व प्रेक्षकांचं लक्ष आहे. देवमाणूसच्या पहिल्या सिझनमध्ये देखील अजितकुमारला अटक झाल्यानंतर तो सहिसलामत बाहेर पडला होता. यावेळी मार्तंड जामकरांनी घेतलेली मेहनत सफल होणार का हे मालिकेच्या येत्या भागात कळणार आहे.
+6
फोटो
