)
मुंबई, 12 नोव्हेंबर: बच्चन कुटुंबीयांवर (Bachchan Family Latest News) त्यांच्या चाहत्यांनी नेहमीच प्रेम केले आहे. मोठ्या पडद्यावर त्याचप्रमाणे आता सोशल मीडियावरही बच्चन कुटुंबीय चाहत्यांचे लाडके आहेत. महानायक अमिताभ बच्चन देखील सोशल मीडियावर (Amitabh Bachchan on Social Media) विशेष सक्रीय आहेत. सोशल मीडियावर ते विविध फोटोज शेअर करत असतात. अलीकडेच दिवाळीनिमित्तही त्यांनी एक फोटो शेअर केला होता, ज्यात त्यांच्यासह जया बच्चन, अभिषेक बच्चन आणि श्वेता बच्चन नंदा हे देखील आहेत. दरम्यान एवढं ‘स्टारडम’ या एकाच फोटोत असताना चाहत्यांचं लक्ष वेगळ्याच गोष्टीवर गेलं आहे आणि त्यामागचं कारणही खास आहे. या फोटोमधील सर्व व्यक्तींच्या मागे असणाऱ्या भींतीवर एक पेंटिंग लटकलेलं आहे, ज्याने सर्वांचं लक्ष वेधून घेतलं आहे. यावर कमेंट्सही खूप येत आहेत. दरम्यान काहींनी अशीही कमेंट केली आहे की, काय हे पेंटिंग मजनू भाईने (वेलकम सिनेमातील अनिल कपूरची भूमिका) बनवले आहे का? तर काहींनी या पेंटिंगची काय खासियत आहे हे विचारलं आहे.
T 4087 - Some picture sitting positioning never change, even through time .. ❤️❤️ pic.twitter.com/Vs8D1MAEtn
— Amitabh Bachchan (@SrBachchan) November 5, 2021
हे पेंटिंग पंजाबमधील धुरी याठिकाणी जन्मलेले प्रसिद्ध कलाकार मनजीत बावा (1941-2008) यांनी बनवले आहे. या पेंटिंगची किंमत 4 कोटी रुपये असल्याचे बोलले जात आहे, ही किंमत ऐकून हैराण झालात ना? इतक्या किमतीत, तुम्ही मुंबईतील एखाद्या फॅन्सी ठिकाणी 2BHK सहज खरेदी करू शकता किंवा तुम्ही एखाद्या आवडत्या ठिकाणी हॉलिडे होम खरेदी करू शकता. हे वाचा- ‘कंगनाकडून पद्मश्री परत घ्या’, विरोधी पक्षांसह भाजप नेत्यांचाही संताप दरम्यान, अमिताभ बच्चन यांनीही त्यांच्या घरात Bull Painting असण्याचे महत्त्व सांगितले. ट्वीटमध्ये त्यांनी असे म्हटले आहे की, “मित्रांनो, बैलचित्र हे शक्ती, ताकद, वेग आणि आशावादाचे प्रतीक आहे. ते ऑफिस किंवा घराच्या कोपऱ्यात ठेवल्याने एखाद्याच्या आर्थिक स्थितीत बुल रन येण्यास मदत होते. हे परम लाभ, यश आणि वाढीव समृद्धीचे प्रतीक आहे.”
+6
फोटो
