)
मुंबई, 15 मे- बॉलीवूड अभिनेत्री रवीना टंडन सोशल मीडियावर विविध मुद्दयांवर मत मांडताना दिसते. आता रवीना टंडन एका वेगळ्या कारणासाठी सोशल मीडियावर चर्चेत आली आहे. एमआयएमचे नेते अकबरूद्दीन ओवैसी यांनी खुलताबाद येथील औरंगजेबाच्या कबरीचं दर्शन घेतलं होतं. या घटनेचा महाराष्ट्रातच नाही तर देशभरातून संतप्त प्रतिक्रिया उमटल्या होत्या. आज, खासदार नवनीत राणा यांनी देखील याच मुद्दयावरून महाराष्ट्राचे मुख्यमंत्री उद्धव ठाकरे यांच्यावर निशाणा साधाला. आज जर बाळासाहेब ठाकरे जिवंत असते तर त्यांनी असं करण्याऱ्याला जिवंत गाढलं असतं, अशा शब्दात त्यांनी यावर संताप व्यक्त केला. आत यानंतर अभिनेत्री रवीना टंडन (Raveena Tandon ) हिनं देखील एक ट्वीट केलं आहे. सध्या तिचं हे ट्वीट सोशल मीडीयावर चर्चेचा विषय ठरला आहे. रवीना टंडनं हिनं लेखक आनंद रंगनाथन यांचं ट्वीट शेअर करत यावर प्रतिक्रिया दिली आहे. तिनं ट्वीटमध्ये म्हटलं आहे की, ‘आम्ही सहनशील आहोत, होतो आणि राहू. भारत एक स्वतंत्र देश आहे आणि इथे कोणालाही कोणाचीही पूजा करता येते. इथे सर्वांना समान अधिकार आहेत,’असं तिनं ट्वीट केलं आहे.
We are a tolerant race, have been , will be , and remain so. 🙏🏻. This is a free country. Worship anyone , if you have to.there have to be equal rights for all. https://t.co/6d0cCcgtoV
— Raveena Tandon (@TandonRaveena) May 14, 2022
दुसऱ्या ट्वीटमध्ये रवीना म्हणाली आहे की, ’ माझ्या जन्मभूमीला असहिष्णु असे लेबल लावणे ही काही काळापूर्वीच एक फॅशन बनली आहे. यावरून आपण किती सहनशील आहोत आणि किती सहन करू शकतो हे सिद्ध होते. हे एक उदाहरण आहे. मग असहिष्णुता आहे कुठे?… असा प्रश्न तिनं या ट्वीटमधून केला आहे.
For some time, it had become a fashion to label my motherland “INTOLERANT” . This just proves how Tolerant WE are . And HOW much we can absorb. This is an example. So where is the intolerance ? https://t.co/RZZmq2sZK1
— Raveena Tandon (@TandonRaveena) May 14, 2022
लेखक आनंद रंगनाथन यांचं ट्वीट नेमकं काय होते? लेखक आनंद रंगनाथन यांनी औरंगजेबाच्या कबरीवर डोकं टेकवण्यासाठी गेलेल्या एमआयएम पक्षाचे आमदार अकबरुद्दीन ओवेसी यांचे फोटो शेअर केले होते. हे फोटो शेअर करत ते म्हणाले होते की, गुरू तेग बहादूर यांचा शिरच्छेद करणाऱ्या, संभाजी महाराजांचा शिरच्छेद करणाऱ्या, काशीला उद्ध्वस्त करणाऱ्या आणि 4.9 दशलक्ष हिंदूंची हत्या करणाऱ्या राक्षसाच्या कबरीवर प्रार्थना करणे हे चिथावणी देणारे मनोरुग्ण कृत्य आहे, असं ट्वीट लेखक आनंद रंगनाथन यांनी केलं होतं.
+6
फोटो
