'दिल बेचारा'तील अभिनेत्रीसह रोमँटिक डान्स; सुशांत सिंह राजपूतचा Unseen Video

मुंबई, 13 जुलै : अभिनेता सुशांत सिह राजपूतच्या (Sushant Singh Rajput) आत्महत्येनंतर त्याचे बरेच व्हिडीओ सोशल मीडियावर व्हायरल झाले. यापैकी काही व्हिडीओ आपण कधी पाहिलेदेखील नसतील. सुशांतचा असाच एक व्हिडीओ (Sushant Singh Rajpur Unseen Video) आता समोर आला आहे. ज्यामध्ये तो 'दिल बेचारा' चित्रपटातील त्याच्या सहअभिनेत्रीसह रोमँटिक डान्स करताना दिसतो आहे. या अभिनेत्रीनेच आपल्या सोशल मीडियावर हा व्हिडीओ शेअर केला आहे.

'दिल बेचारा'तील (Dil Bechara) अभिनेत्री स्वस्तिका मुखर्जीने (Swastika Mukherjee) सुशांतच्या आठवणीत आपल्या इन्स्टाग्राम अकाऊंटवर व्हिडीओ शेअर केला आहे. यामध्ये सुशांत स्वसिकासह डान्स करताना दिसतो आहे. स्वसिकाने हा व्हिडीओ शेअर केल्यानंतर तो सोशल मीडियावर व्हायरल झाला आहे. हा व्हिडीओ पाहून चाहते पुन्हा भावुक झाले.

View this post on Instagram

HE danced with #kizie and then HE danced with me :-) . . I’d like to remember Sushant like this. Always. Simple. Fun loving. Jovial. Keep dancing with the stars, boy. Love. Thank you, Mukesh @castingchhabra for capturing this beautiful moment. I will cherish this forever. . . #dilbechara #behindthescenes #momentstocherish #joyfultimes #aftershoot #sushantsinghrajput #shineon

A post shared by Swastika Mukherjee (@swastikamukherjee13) on Jul 12, 2020 at 5:24am PDT

स्वस्तिकाने हा व्हिडीओ शेअर करताना पोस्टमध्ये म्हटलं, "त्याने किजीसह डान्स केला आणि त्यानंतर माझ्यासोबतदेखील डान्स केला. मला सुशांत नेहमी असाच आठवणीत राहिल. साधा, प्रेमळ, हसमुख. ताऱ्यांसहदेखील असाच नाच. मुकेश छाबरा या सुंदर क्षणांना कॅमेऱ्यात कैद केल्याने आभार, मी ही आठवण जपून ठेवेन"

हे वाचा - या 2 भयावह मानसिक आजारांनी सुशांतला ग्रासलं होतं; 7 दिवस होता रुग्णालयात

सुशांतचा शेवटचा चित्रपट दिल बेचारा डिज्नी हॉट स्टार प्लसवर 24 जुलैला रिलीज होणार आहे. यामध्ये संजना कॉलेज तरुणीच्या भूमिकेत आहे, जी कॅन्सरशी लढा देत असते. तिची भेट मॅनी म्हणजे सुशांतसह होते आणि मग त्यांचा प्रवास सुरू होतो. स्वस्तिका संजना सांघीच्या आईच्या भूमिकेत दिसणार आहे. याआधी स्वस्तिका सुशांतसह 2015 साली 'ब्योमकेश बक्शी'मध्ये दिसली होती.

हे वाचा - बॉलिवूडला धक्का! कॅन्सरशी लढा हरली अभिनेत्री; मृत्यूपूर्वी केली भावुक पोस्ट

सुशांत सिंह राजपूतने 14 जूनला आपल्या राहत्या घरात गळफास घेऊन आत्महत्या केली. मात्र त्याच्या आत्महत्येचं कारण अद्याप स्पष्ट झालेलं नाही. पोलीस तपास सुरू आहे.