Home /News /entertainment /

कार्तिक आर्यनला गिफ्ट मिळाली भारतातील पहिली McLaren Gt; किंमत कोटींच्या घरात

कार्तिक आर्यनला गिफ्ट मिळाली भारतातील पहिली McLaren Gt; किंमत कोटींच्या घरात

कार्तिकच्या कार कलेक्शनमध्ये आता आणखी एका महागड्या कारचा समावेश झाला आहे. वास्तविक निर्माता भूषण कुमार यांनी 'भूल भुलैय्या 2' ला मिळालेल्या तुफान यशामुळे कार्तिकला ही स्पोर्ट्स कार गिफ्ट केली आहे.

    मुंबई, 24 जून-  बॉलिवूड  (Bollywood)  अभिनेता कार्तिक आर्यन   (Kartik Aryan)  सध्या आपल्या 'भुलभुलैय्या 2' (Bhool Bhulaiyaa 2)  या चित्रपटामुळे प्रचंड चर्चेत आहे. या हॉरर-कॉमेडी चित्रपटाने बॉक्स ऑफिसवर अक्षरशः धुमाकूळ घातला आहे. या चित्रपटाने देशात 184 कोटींची कमाई केली आहे. 200 कोटी क्लबकडे सध्या या चित्रपटाची वाटचाल सुरु आहे. दरम्यान आता कार्तिकच्या चाहत्यांसाठी आणखी एक आनंदाची बातमी आहे. कार्तिकच्या कार कलेक्शनमध्ये आता आणखी एका महागड्या कारचा समावेश झाला आहे. वास्तविक निर्माता भूषण कुमार यांनी 'भूल भुलैय्या 2' ला मिळालेल्या तुफान यशामुळे कार्तिकला ही स्पोर्ट्स कार गिफ्ट केली आहे. कार्तिक आर्यनने आपल्या याबाबत एक पोस्ट शेअर केली आहे. यानुसार भूषण कुमार यांनी कार्तिक आर्यनला एक आकर्षक ऑरेंज कलरची स्पोर्ट्स कार गिफ्ट म्हणून दिली आहे. विशेष म्हणजे या कारची ही भारतातील पहिलीच डिलिव्हरी आहे.या कारची किंमत जवळजवळ 3.73 कोटी इतकी आहे.
    इ टाईम्सच्या रिपोर्टनुसार कार्तिक आर्यनबाबत बोलताना टी सिरीजचे मालक आणि निर्माता भूषण कुमार यांनी म्हटलं, ''कार्तिक आर्यन हा एखाद्या ध्येयाने, चैतन्याने पछाडलेला आहे. एका अतिशय व्यावसायिक टप्प्यावर आमचं नातं सुरु झालं होतं. मात्र आता हे नातं कित्येक पटींनी मजबूत झालं आहे. प्रत्येक प्रोजेक्ट्समध्ये त्याचं समर्पण उल्लेखनीय आहे. ही कार त्याच्या याच कठोर परिश्रमाचं आणि धैर्याचं प्रतीक आहे. त्याच्यात वेळोवेळी आत्मविश्वास निर्माण करणं गरजेचं आहे. आणि आम्हाला हे नातं भविष्यात आणखी घट्ट करण्याची ईच्छा आहे. (हे वाचा:Anushka Shetty car collection: 'बाहुबली' फेम अनुष्का शेट्टीने आपल्या ड्रॉयव्हरला गिफ्ट केली होती इतकी महागडी कार; पाहा अभिनेत्रीचं Car कलेक्शन ) कार्तिक आर्यन-कियारा आडवाणी (Kiara Advani) स्टारर 'भूल भुलैया 2' बॉक्स ऑफिसवर सुपरहिट ठरत आहे. हा 'भूल भुलैय्या' चा सिक्वेल आहे. 'भूल भुलैया' हा चित्रपट 2007 मध्ये पहिल्यांदा प्रदर्शित झाला होता. या चित्रपटालाही चांगलं यश मिळालं होतं. या चित्रपटात अक्षय कुमार, विद्या बालन, राजपाल यादव, अमिषा पटेल, आणि शायनी आहुजा मुख्य भूमिकेत होते.कार्तिक आर्यनचा हा चित्रपट याच चित्रपटाचा सिक्वेल आहे. त्यांनतर आता निर्माते या चित्रपटाच्या तिसऱ्या भागाची तयारी करत असल्याचं मीडिया रिपोर्ट्समध्ये सांगण्यात आलं आहे.
    Published by:Aiman Desai
    First published:

    Tags: Bollywood News, Entertainment, Kartik aryan

    पुढील बातम्या