)
मुंबई, 27 फेब्रुवारी - ‘आई कुठे काय करते’ मालिका छोट्या पडद्यावरील लोकप्रिय मालिका आहे. या मालिकेतील प्रत्येक कलाकारावर प्रेक्षक भरभरून प्रेम करताना दिसतात. या मालिकेत अभिनेते मिलिंद गवळी अनिरूद्धची नकारात्मक भूमिका साकारताना दिसत आहेत. मिलिंद त्यांच्या भूमिके इतकेच सोशल मीडिया पोस्टमुळे चर्चेत असतात. नुकताच त्यांनी सोशल मीडिया पोस्ट करत त्यांच्या आयुष्यातील एक महत्त्वाचा किस्सा सांगितल आहे. या पोस्टमध्ये त्यांनी अशोक सराफ यांचा उल्लेख करत आपल्या एका सवयीविषयी लिहिलं आहे. त्यांच्यामुळे मिलिंद यांची एक सवय कायमची बदलली, याबद्दल त्यांनी या पोस्टमध्ये लिहिलं आहे. मिलिंद गवळी यांनी त्यांचा एक व्हिडिओ पोस्ट करत म्हटलं आहे की, Acceptance लहानपणापासून आपण आपल्याबद्दल एक धारणा तयार करतो, अमुक अमुक गोष्टी आपल्याला आवडतात. अमुक आवडतच नाही, लहानपणीच आपलं ठरलेलं असतं की या या भाज्या आपल्याला आवडतात या आवडत नाही, काहींना गोड आवडतं काहींना तिखट आवडतं, असंच आवडतं आपण असेच आहोत, माझे लहानपणी खाण्यापिण्याचे खूप नखरे होते, आणि आई होतीच माझे लाड पुरवायला, माझ्यासाठी वेगळा स्वयंपाक केला जायचा, दहावीनंतर वडिलांनी मला नाशिकला भोसला मिलिटरी स्कूलमध्ये पाठवलं, पहिल्याच दिवशी ताटात जे जेवण आलं, माझ्याबरोबर अनेकांनी तोंडं वाकडी केली, थोडसं खाल्लं आणि ताटात अन्न टाकून उठलो, मेजर राठोड आले शांतपणे म्हणाले “ खाना पुरा खतम करो , एक दाना भी प्लेट मे नही बचना चाहिए” आणि आम्हाला बंदूक घेऊन मोठ्या ग्राउंडला दहा राऊंड मारायची शिक्षा. वाचा- ‘प्रेम आहे माझं, माझ्या …’ प्राजक्ता माळीची नवीन पोस्ट चर्चेत त्या दिवसापासून आजपर्यंत खाण्यापिण्याचे माझे सगळे लाड नखरे संपले, ताटात जे येईल ते निमुटपणे खायचं नखरे करायचे नाहीत. पण कपड्यांच्या बाबतीत माझे नखरे चालूच होते, मला हे शोभतं , मला ते शोभत नाही , मी हे घालणार मी हे घालणार नाही , असं बरीच वर्ष चाललं होतं, हा रंग मला आवडतो हा रंग मला आवडत नाही, अनेक वर्ष सिनेमांमध्ये मी माझे स्वतःचेच कपडे घेऊन जायचं कारण कपड्यांसाठी मराठी सिनेमाचं बजेट खूप कमी असायचं त्यामुळे त्यांचे साधे स्वस्तातले कपडे मला कधीच आवडले नाहीत.
ती माझी सवय अशोक सराफांमुळे मोडली, माझे कपड्यांचे नखरे बघून ते एक दिवस मला म्हणाले “प्रेक्षक कपडे नाही अभिनय बघतात अभिनयाकडे लक्ष दे, मी दोन झब्बा पायजमा वर hit सिनेमेकेले आहेत “ आणि त्यानंतर सिनेमा असो सिरीयल असो मी मला जे कपडे ते देतील ते आजपर्यंत निमूटपणे घालत आलो.
पण वैयक्तिक जीवनात मला माझ्याच choice चे कपडे घालायला आवडायचे,पण “ आई कुठे काय करते “ दरम्यान बरेचसे events केले. अनेक designers ने माझ्यासाठी costumes create केले . जे माझ्या comfort zone च्या पलीकडचे होते,भोसला मिलिटरीतले मेजर राठोड सारखेच माझे डिझायनर आहेत, डिझायनर भाग्यश्री ,दर्शना शानबाग , प्रणिता तन्मय… अधिकाऱ्याने आणि हक्काने मला experiments करायला सांगतात…Acceptance is very important , Experiment साठी तयार झाल्या.नंतर I’m enjoying this phase of life ,Different colours which I wouldn’t have never ever tried .NOW, I Find new colours of life. Thank you so much for getting me out of my comfort zone.🙏🏼
+6
फोटो
