Home /News /crime /

भयंकर! रस्त्यावर पडलेल्या मानवी सांगाड्याचं गूढ उकललं; हत्या करून कचऱ्यावर पेटवला सूनेचा मृतदेह

भयंकर! रस्त्यावर पडलेल्या मानवी सांगाड्याचं गूढ उकललं; हत्या करून कचऱ्यावर पेटवला सूनेचा मृतदेह

यंदा प्रथमच स्त्रियांचे प्रमाण पुरुषांपेक्षा जास्त असल्याचं समोर आलं आहे. मात्र स्त्रियांची संख्या वाढली तरी त्यांच्यावरील अत्याचार कायम आहे.

    हरयाणा, 10 डिसेंबर : हरयाणातील (Haryana News) जिंदमधील सापडलेल्या नगूरा भागात एक मानवी सांगाडा सापडल्याचं गूढ समोर आलं आहे. हा मानवी सांगाडा रीना नावाच्या एका महिलेचं आहे. काही दिवसांपूर्वी महिला बेपत्ता झाल्याची तक्रार दाखल करण्यात आली होती. मात्र रीना बेपत्ता नव्हती तर सासरच्या मंडळींनी तिची हत्या केल्याचा धक्कादायक प्रकार समोर आला आहे. सासरच्या मंडळींनी तिच्या हत्या करून कचऱ्यावर मृतदेह ठेवून त्याला आग लागल्याचा धक्कादायक प्रताप समोर आला आहे. सीसीटीव्ही फुटेजमध्ये रीनाची सासरची मंडळी तिची हत्या केल्यानंतर तिचा मृतदेह सायकलवरुन घेऊन जात असताना दिसत आहेत. पोलिसांनी या प्रकरणात गुन्हा दाखल करून तपास सुरू केला आहे. हे ही वाचा-Nagpur:आईला मारहाण करणाऱ्या तरुणाला नियतीनं दिली शिक्षा; पोलीस ठाण्यातच झाला अंत 7 डिसेंबर रोजी रस्त्यावर मानवी सांगाडा सापडला होता. हा सांगाडा रीनाचा होता. सासरच्या मंडळींनी रीनाची जाळून हत्या केली आणि यानंतर तिचा सांगाडा झाडांमध्ये फेकून दिला. हा सारा घटनाक्रम सीसीटीव्हीमध्ये कैद झाला आहे. व्हायरल फुटेजमध्ये रीनाचे सासरे सायकलवरुन मृतदेह घेऊन जाताना दिसत आहेत. तर पुढे रीनाचा पतीही दिसत आहे. रीना (27) चा विवाह 10 वर्षांपूर्वी संजय नावाच्या तरुणासोबत झाला होता. तिला दोन मुलं आहेत. सासरच्या मंडळींनी जेव्हा तक्रार केली तेव्हा त्यांनी पोलिसांना सांगितलं की, रीना 50 हजार रुपये घेऊन पळून गेली होती. मात्र सत्य काहीतरी वेगळं होतं, यामुळे पोलिसांनी तपास कायम ठेवला. यानंतर सीसीटीव्ही फुटेजच्या आधारावर रीनाच्या सासरच्या मंडळींना अटक करण्यात आली आहे. अद्याप रीनाची हत्या करण्यामागील कारण समोर आलेलं नाही. तर पोलिसांकडून रीनाच्या पतीसह सासरच्या मंडळींची चौकशी केली जात आहे.

    Published by:Meenal Gangurde
    First published:

    Tags: Crime news, Haryana, Women harasment

    पुढील बातम्या