)
नवी दिल्ली, 8 मे : मैत्रीच्या नात्याला काळिमा फासणारी घटना समोर आली होती. मित्राच्याच अल्पवयीन मुलीवर बलात्कार (Rape on Minor) केला गेला होता. याप्रकरणातील दोन महिन्यांपासून फरार असलेल्या आरोपीला अखेर पोलिसांनी जेरबंद केले आहे. कैलाश कुमार लाल दास असे आरोपीचे नाव आहे. हा आरोपी सहाय्यक केंद्रीय गुप्तचर अधिकारी (ACIO-ग्रेड II) असल्याचे सांगितले जात आहे. हा आरोपी आरके पुरम येथील रहिवासी आहे. काय आहे नेमके प्रकरण? दिल्ली पोलिसांनी दोन महिन्यांच्या शोधानंतर मित्राच्या अल्पवयीन मुलीवर बलात्कार केल्याच्या आरोपाखाली एका 60 वर्षीय व्यक्तीला अटक केली. पोलिसांनी सांगितले की, आरोपीची ओळख सहाय्यक केंद्रीय गुप्तचर अधिकारी (ACIO-ग्रेड II) कैलाश कुमार लाल दास म्हणून झाली आहे. तो उपनिरीक्षक दर्जाचा अधिकारी आहे. आरोपी कैलाश कुमार लाल दासने पोलिसांना सांगितले की, तो पीडितेच्या वडिलांचा गेल्या सहा-सात वर्षांपासून मित्र असून, तो वारंवार त्यांच्या घरी येत असे. दास म्हणाला की, त्याने आपल्या मित्राला वचन दिले होते की तो आपल्या मुलीला योग्य नोकरी मिळवून देण्यास मदत करेल. त्याच्या बोलण्यावर विश्वास ठेवून अल्पवयीन मुलीच्या वडिलांनी तिला 7 मार्च रोजी मोतीबाग मेट्रो स्टेशनजवळ दासजवळ सोडले. हेही वाचा - सुनेनं भांडण करू नये म्हणून सोपवलं तांत्रिकाच्या हातात! आयुष्यातले 79 दिवस घडला असा भयंकर प्रकार
आरोपीने अल्पवयीन मुलीला मध्य दिल्लीतील करोलबाग येथील हॉटेलमध्ये नेले. जिथे त्याने मुलीला धमकावून बलात्कार केला. यानंतर पीडितेने तिच्या आई वडिलांना घडलेला सर्व प्रकार सांगितला. त्यानंतर करोलबाग पोलीस ठाण्यात भारतीय दंड संहितेच्या कलम 376 आणि 506 अंतर्गत गुन्हा दाखल करण्यात आला आणि तब्बल दोन महिन्यांच्या तपासानंतर आरोपी कैलाश कुमार लाल दासला अटक करण्यात आली आहे.
+6
फोटो
