नातेवाईकच निघाला नराधम, पोलीस कॉन्स्टेबलकडून अल्पवयीन मुलीवर अत्याचार

पीडित अल्पवयीन मुलीचे अलीगढच्या कोतवालीच्या अतरौली भागातील एका गावात नातेवाईक आहेत. ती तिथे आपल्या नातेवाईंकासोबत आली होती. आरोपी पोलीस कॉन्स्टेबल धर्म सिंहपण याचा गावातील मूळ रहिवासी आहे. तो पण आपल्या गावी आला होता. तो पीडितेच्या वडिलांचा नातेवाईक आहे. शुक्रवारी रात्री आरोपी तिच्याजवळ आला आणि तिला घरी घेऊन जाण्याबाबत सांगू लागला. पीडितेच्या नातेवाईकांनी विश्वासात येऊन तिला त्याच्यासोबत पाठवून दिले. यानंतर आरोपी धर्मसिंह पीडितेला आपल्या दुचाकीवर बसवून घेऊन गेला.

यानंतर वाटेत एका रिकाम्या प्लॉटमध्ये त्याने पीडितेवर बलात्कार केला. पीडितेने त्याला विरोध केला तर त्याने तिला मारहाणही केली. पीडित तरुणी तिच्या नातेवाईकांकडे पोहोचली असता, तिने त्यांना सर्व प्रकार सांगितला. पीडितेचा हा प्रकार ऐकून कुटुंबीयांना धक्काच बसला. यानंतर त्यांनी अतरौली येथे आरोपीविरोधात तक्रार दिली. यानंतर पोलिसांनी चौकशी करत आरोपीला अटक केली. शनिवारी आरोपीला न्यायालयात हजर केले असता त्याला कोठडी सुनावली आहे. यानंतर बुलंदशहरच्या एसएसपी यांनी आरोपी कॉन्स्टेबल याला निलंबित केले आहे.