पैशांसाठी फायनान्स कंपनीच्या कर्मचाऱ्यासोबत धक्कादायक कृत्य, रोकडही केली लंपास

सासाराम, 23 सप्टेंबर : देशात दिवसेंदिवस गुन्हेगारीच्या घटनांमध्ये मोठ्या प्रमाणात वाढ झाली आहे. यातच एक धक्कादायक घटना बिहारच्या सासाराम येथून उघडकीस आली आहे. याठिकाणी दरोड्यादरम्यान दुचाकीस्वार तरुणाची गोळ्या झाडून हत्या करण्यात आली आहे. मृत तरुण हा भारत माइक्रो फाइनेंस कंपनीचा कर्मचारी होता. या घटनेने परिसरात एकच खळबळ उडाली आहे.

काय आहे संपूर्ण प्रकरण -

ऋषि कुमार असे मृत तरुणाचे नाव आहे. तो भोजपूरच्या चांदी येथील रहिवासी होता. तसेच दरोडेखोरांनी यावेळी 60 हजार रुपयांचीही लूट केली. ही धक्कादायक घटना संझौलीच्या अमैठीजवळ घडली. संझौली पोलीस ठाण्याच्या हद्दीतील अमैठी येथे फायनान्स कंपनीच्या कर्मचाऱ्याची गोळ्या घालून हत्या करून त्याच्याकडून 60 हजारांची रोकड लुटण्यात आली.

हेही वाचा - धक्कादायक! मुंबईत शालेय विद्यार्थ्यांना ड्रग विकल्याचा प्रकार, बोरीवलीत महिलेला अटक

ऋषी कुमार असे मृताचे नाव आहे. जो भोजपूर जिल्ह्यातील चांदी पोलीस ठाण्याच्या भदवल गावचा रहिवासी होता. मृत योगेंद्र राय यांचा मुलगा होता. तो नोखा येथील भारत फायनान्स कंपनीचे कर्मचारी मीटिंग संपवून रोख रक्कम घेऊन परतत असल्याचे सांगण्यात येत आहे. त्याचवेळी अमेठी लॉकजवळ गोळ्या झाडून त्यांची हत्या करण्यात आली.

तसेच दुचाकीच्या ट्रकमधून 60 हजारांची रोकड घेऊन पलायन केले. घटनेची माहिती मिळताच पोलिसांनी घटनास्थळ गाठून तपास सुरू केला. मृताचा मृतदेह शवविच्छेदनासाठी सासारामच्या सदर रुग्णालयात आणण्यात आला आहे. या घटनेनंतर एकच खळबळ उडाली आहे.