आफताबची पॉलिग्राफी टेस्ट फेल? दृश्यमप्रमाणे रेटून खोटं बोलला, दिल्ली पोलिसांकडून दोघांना घर देणाऱ्या त्या व्यक्तीचाही शोध सुरू

नवी दिल्ली, 26 नोव्हेंबर : श्रद्धा वालकर खून प्रकरणातील आरोपी आफताब पूनावाला रोहिणी येथील फॉरेन्सिक सायन्स लॅबोरेटरी (FSL) मध्ये पॉलीग्राफ टेस्ट सुरू आहे. या टेस्ट दरम्यान, तो आत्मविश्वासाने खोटे बोलला. असे एका तपासकर्त्याने सांगितले. त्याच्या वागण्याने काही तपासकांना दृष्यम चित्रपटाची आठवण करून दिली.

ब्रेक दरम्यान, एका पोलिसाने त्याला विचारले की, त्याने चित्रपट पाहिला आहे का, तर या प्रश्नावर तो हसला. एफएसएलचे सहाय्यक संचालक संजीव गुप्ता म्हणाले, “गुरुवारी आफताबने आजही तापाची तक्रार केल्याने प्रक्रिया पूर्ण होऊ शकली नाही. आम्ही त्याला दुसऱ्या दिवशी पुन्हा चौकशी करू शकतो. "

दुसर्‍या अधिकाऱ्याने सांगितले की, त्याच्या शरीरावर इलेक्ट्रोड जोडल्यानंतर काही वेळातच खोकला येऊ लागला आणि खोकल्यामुळे वाचन योग्यरित्या रेकॉर्ड केले जाऊ शकले नाही. तो खरे बोलत होता की चाचणीत फेरफार करत होता हे आम्ही ठरवू शकलो नाही,”, असेही एका अधिकाऱ्याने सांगितले.

चाचणीपूर्वी, तज्ञांनी आफताबला त्याच्या कुटुंबाबद्दल विचारले. त्यानंतर तज्ज्ञांनी अवघड प्रश्न विचारण्यास सुरुवात केली आणि त्यांनी उत्तरे दिली तेव्हा त्याचा हार्टरेट आणि नाडीचे दर रेकॉर्ड केले. तज्ञ सर्व सत्रांच्या अहवालाचे विश्लेषण करतील आणि काही दिवसांत अंतिम अहवाल सादर करतील. दरम्यान, पोलीस बद्री नावाच्या व्यक्तीची चौकशी करत आहेत, जो आफताब आणि श्रद्धाला हिमाचल प्रदेशमध्ये सुट्टीत भेटला होता. तो या जोडप्यासोबत दिल्लीला गेला होता. भाड्याच्या फ्लॅटमध्ये जाण्यापूर्वी ते छतरपूर पहाडीच्या डी ब्लॉकमध्ये त्याच्या फ्लॅटमध्ये राहत होते.

हेही वाचा - दारू पाजली, मग जेवू घातलं अन् शेवटी...; पत्नीसोबत संबंध असल्याच्या संशयातून मित्राला संपवलं

बद्रीने मे महिन्यात आपला फ्लॅटही रिकामा केला. बद्रीचे घरमालक शेखर पंचध्ये यांनी शुक्रवारी TOI ला सांगितले की, तो जवळपास नऊ महिने घरात राहत होता. त्यांच्या भाडेकरूने घर का रिकामे केले असे विचारले असता पंचध्ये म्हणाले, “बद्री याच्याकडे कार होती आणि त्याने मला सांगितले की, त्याला पार्किंगची समस्या आहे.

दरम्यान, भाजपच्या मुंबई अल्पसंख्याक मोर्चाने आफताबला फाशी देण्याची मागणी केली आहे. नरिमन पॉईंट येथील भाजपच्या कार्यालयाबाहेर गुरुवारी निदर्शने करताना मोर्चाचे नेते वसीम आर खान म्हणाले की, फास्ट ट्रॅक कोर्टात आपली बाजू मांडल्यानंतर त्याला फाशी देण्यात यावी. “श्रद्धाने या व्यक्तीविरुद्ध पोलिसांकडे लेखी तक्रार देऊनही आफताबविरुद्ध महाविकास आघाडी सरकारच्या काळात एफआयआर का दाखल करण्यात आला नाही, याची चौकशी झाली पाहिजे. पोलिसांनी तत्काळ कारवाई केली असती तर कदाचित आज श्रद्धा जिवंत राहिली असती,” असेही खान म्हणाले.