Corona Updates : 1 दिवसात रुग्णांची संख्या दुप्पट, मुंबईत पुन्हा कोरोनाची दहशत

मुंबई, 16 मार्च : देशभरात कोरोना विषाणूच्या रुग्णांमध्येही पुन्हा एकदा वाढ होऊ लागली आहे. देशाची आर्थिक राजधानी मुंबईत मंगळवारी कोरोना विषाणूचे 36 रुग्ण आढळले. आदल्या दिवसाच्या तुलनेत दुप्पट ही रुग्णसंख्या होती. यापैकी दोन जणांना रुग्णालयात दाखल करण्यात आले, तर बाकीच्यांना कोणतीही लक्षणे नसल्यामुळे होम क्वारंटाईनमध्ये राहण्याचा सल्ला देण्यात आला आहे. सध्या कोणाच्याही मृत्यूची माहिती नाही. मुंबईत सोमवारी 18 रुग्णांची नोंद करण्यात आली होती. दरम्यान, गेल्या 14 दिवसांत मुंबईत सक्रिय रुग्णांमध्ये 200 टक्के वाढ झाली आहे. 1 मार्च रोजी मुंबईत 47 सक्रिय रुग्ण होते, तर मंगळवारपर्यंत ही संख्या 144 वर पोहोचली. तज्ञांच्या मते, आजकाल बरेच लोक प्रवास करत आहेत, त्यामुळे कोरोना प्रकरणांमध्ये वाढ होत आहे. तसेच, अॅडेनोव्हायरस आणि H3N2 सारख्या विषाणूजन्य संसर्गामुळे मुंबईतील लोक आजारी पडत आहेत. गेल्या 24 तासांत 1385 जणांची तपासणी करण्यात आली असून त्यापैकी 36 जणांना संसर्ग झाल्याचे आढळून आले आहे. त्याच वेळी, मुंबईला लागून असलेल्या ठाण्यात कोरोना विषाणूच्या संसर्गाची 24 नवीन प्रकरणे नोंदवली गेली. यामुळे येथील संक्रमित लोकांची संख्या 7,47,618 वर पोहोचली आहे. बुधवारी ठाण्यात कोरोना साथीचे 24 नवीन रुग्ण आढळल्यानंतर जिल्ह्यात उपचार घेत असलेल्या रुग्णांची संख्या 98वर पोहोचली आहे. चार महिन्यांनंतर देशात 700 हून अधिक संख्या समोर आली - भारतात एका दिवसात कोरोना विषाणूच्या संसर्गाची 754 नवीन प्रकरणे समोर आल्यानंतर, देशात आतापर्यंत संक्रमित लोकांची संख्या 4,46,92,710 झाली आहे. राज्यात H3N2 चा कहर! घेतले 3 बळी; कसा वाचवाल तुमचा जीव? डॉक्टरांनी सांगितले बचावाचे 5 उपाय सुमारे चार महिन्यांनंतर, देशात दररोज 700 हून अधिक संसर्गाची प्रकरणे नोंदवली गेली आहेत. त्याच वेळी, उपचार घेत असलेल्या रुग्णांची संख्या 4,623 वर पोहोचली आहे. गेल्या वर्षी 12 नोव्हेंबर रोजी देशात दररोज 734 संसर्गाची प्रकरणे समोर आली होती. केंद्रीय आरोग्य मंत्रालयाने गुरुवारी सकाळी आठ वाजता जारी केलेल्या अद्ययावत आकडेवारीनुसार, कर्नाटकात संसर्गामुळे एका रुग्णाचा मृत्यू झाल्यानंतर देशातील मृतांची संख्या 5,30,790 झाली आहे. तर अद्ययावत आकडेवारीनुसार, भारतात आतापर्यंत एकूण 4,41,57,297 लोक संसर्गमुक्त झाले आहेत, तर कोरोनामुळे मृत्यूचे प्रमाण 1.19 टक्के आहे. रुग्णांच्या बरे होण्याचा राष्ट्रीय दर 98.80 टक्के आहे.

• Follow us on