Success Story: 3 वर्षांच्या वयात झाला ॲसिड अटॅक, दृष्टी गेली; पण तिनं मानली नाही हार; बोर्डात आली मेरिट

मुंबई, 17 मे: मुलींवर होणारे अत्याचार, लहान वयापासून होणारे हल्ले हे भारत देशातील प्रत्येकालाच सुन्न करतात. पण ज्या मुलींवर ही वेळ येते अशा मुलींना खरी गरज असते ती आधाराची आणि आत्मविश्वासाची. काही मुली खचून जातात आणि टोकाचं पाऊल उचलतात. पण काही मुली अशा असतात ज्या कठीण परिस्थितीलाही जिद्दीनं आणि धैर्यानं समोर जातात. आज आम्ही तुम्हाला अशाच एका रणरागिणीची गोष्ट सांगणार आहोत जिनं स्वतःवर हल्ला झाला असूनही हार मानली नाही. डोळ्यात होणारी जळजळ सहन करत एका मुलीने आपल्या यशाची अनोखी कहाणी लिहिली आहे. CBSE बोर्ड निकाल 2023 प्रसिद्ध झाल्यापासून, प्रत्येकजण कैफीची प्रशंसा करताना थकत नाही आहे. जॉबसाठी एकही परीक्षा नाही थेट होणार मुलाखत, मुंबई विमानतळ इथे तब्बल 480 जागांसाठी भरतीची घोषणा कैफी ही चंदिगडची रहिवासी आहे. ती 3 वर्षांची असताना तिच्या शेजारी राहणाऱ्या काही लोकांनी तिच्यावर अॅसिड फेकलं. त्यानंतर ती कुटुंबासह हिसार येथे राहात होती. या हल्ल्यात कैफीचा जीव वाचला पण तिचा चेहरा गंभीररित्या भाजला गेला आणि तिची दृष्टी गेली. पण कैफी घबरली नाही, थांबली नाही, खचून गेली नाही. आपले इरादे मजबूत करत तिने अभ्यासावर लक्ष केंद्रित केले. Success Story: देवळात कोपऱ्यात बसून केला अभ्यास अन् पठ्ठयानं करून दाखवलं; थेट घेतली रेल्वेत नोकरी या वेदनादायक अपघातानंतर कैफीला बराच वेळ रुग्णालयात दाखल करण्यात आले होते. इन्स्टिट्यूट ऑफ ब्लाइंड, चंदीगडमधून तिनं बोर्डाची परीक्षा दिली. CBSE 10वी निकाल 2023 मध्ये कैफीने 95.20% गुण मिळवले आहेत. तिचे वडील हरियाणा सचिवालयात शिपाई म्हणून काम करतात. तिच्या कुटुंबाने कैफीला त्याच्या संघर्षात पूर्ण साथ दिली आहे. कैफीने एका मीडिया मुलाखतीत सांगितले की, तिला मोठी झाल्यावर आयएएस अधिकारी बनायचे आहे. भूगोल हा त्यांचा आवडता विषय. यूट्यूब आणि गुगलने त्याला अभ्यासात खूप मदत केल्याचेही कैफीने सांगितले. तिच्या यशाचे सर्व श्रेय ती तिच्या पालकांचे प्रोत्साहन आणि शिक्षकांच्या मार्गदर्शनाला देते.

News18लोकमत आणखी बातम्या…

कैफीच्या शेजाऱ्यांनी परस्पर हेव्यामुळे त्याच्यावर अॅसिड फेकले होते. तिला सहा वर्षे रुग्णालयात दाखल करण्यात आले. मात्र या मुलीने तिच्या अभ्यासावर परिणाम होऊ दिला नाही. तेव्हापासून कैफी ब्रेल लिपीचा अभ्यास करत आहे. कैफी खूप हुशार आणि धाडसी देखील आहे. हा धोकादायक हल्लाही तिचा आत्मविश्वास कमी करू शकला नाही. त्याच्या पालकांना त्याचा खूप अभिमान आहे.

• Follow us on