SBI PO Exam: परीक्षेला उरलेत अवघे 3 दिवस; तुमचा अभ्यास झाला ना? आधी बघा Exam Pattern

मुंबई, 14 डिसेंबर: स्टेट बँक ऑफ इंडियाद्वारे प्रोबेशनरी ऑफिसरच्या पदावरील रिक्त जागांसाठी 17 डिसेंबर 2022 पासून परीक्षा घेतली जाईल. या रिक्त पदांद्वारे एकूण 1673 पदांची भरती केली जाणार आहे. SBI PO साठी अर्ज केलेल्या उमेदवारांचे प्रवेशपत्र जारी करण्यात आले आहे. अशा परिस्थितीत, ज्या उमेदवारांनी या रिक्त पदासाठी अर्ज केला आहे ते स्टेट बँक ऑफ इंडियाच्या अधिकृत वेबसाइट- sbi.co.in वर जाऊन प्रवेशपत्र डाउनलोड करू शकतात. मात्र या परीक्षेसाठी पेपर पॅटर्न कसं असणार आहे हे आज आम्ही तुम्हाला सांगणार आहोत.

स्टेट बँकेने जारी केलेल्या या रिक्त पदासाठी अर्ज प्रक्रिया 22 सप्टेंबर 2022 रोजी सुरू झाली. यामध्ये अर्ज करण्यासाठी उमेदवारांना 12 ऑक्टोबर 2022 पर्यंत मुदत देण्यात आली होती. या रिक्त पदासाठी प्रवेशपत्र 05 डिसेंबर 2022 रोजी जारी करण्यात आले. SBI भर्तीने जारी केलेल्या अधिसूचनेनुसार, प्रिलिम्स परीक्षा 17 डिसेंबर 2022 ते 20 डिसेंबर 2022 या कालावधीत घेतली जाईल.

अशी संधी पुन्हा नाही! बँक ऑफ महाराष्ट्रमध्ये 12वी पाससाठी बंपर ओपनिंग्स; पात्र आहात ना? करा अप्लाय

असं डाउनलोड करा हॉल तिकीट

प्रवेशपत्र डाउनलोड करण्यासाठी प्रथम अधिकृत वेबसाइट sbi.co.in वर जा.

वेबसाइटच्या होम पेजवर रिक्रूटमेंट वर क्लिक करा.

आता SBI Probationary Officers Admit Card 2022 च्या लिंकवर जा.

हॉल तिकीट डाउनलोड करा या लिंकवर क्लिक करा.

आता उमेदवार त्यांचा अर्ज क्रमांक आणि पासवर्ड टाकतात.

सबमिशन केल्यावर, प्रवेशपत्र स्क्रीनवर उघडेल.

प्रवेशपत्र डाउनलोड करा आणि पुढील वापरासाठी प्रिंट आउट घ्या.

एक चूक आणि संपूर्ण करिअर उद्ध्वस्त; पोलीस भरतीसाठी 'ते' इंजेक्शन घेण्याचा विचारही करू नका; अन्यथा...

असं असेल परीक्षेचं पॅटर्न

SBI PO प्राथमिक परीक्षा ही भरती प्रक्रियेचा पहिला टप्पा आहे. जे उमेदवार हा पेपर पास करतात तेच SBI Mains परीक्षेत बसू शकतात. पूर्वपरीक्षा ऑनलाइन पद्धतीने घेतली जाते. SBI PO प्रीलिम्स परीक्षेत 3 भाग असतील ज्यामध्ये या 3 विषयांमधून प्रश्न विचारले जातील.

यामध्ये एकूण 100 प्रश्न असतील. या रिक्त पदासाठी इंग्रजी विभागात 30 प्रश्न असतील. याशिवाय परिमाणात्मक क्षमता आणि तर्कशास्त्र विभागात प्रत्येकी 35 प्रश्न असतील. परीक्षेत फक्त बहुपर्यायी प्रश्न विचारले जातील. SBI PO प्रीलिम्स परीक्षेचा एकूण कालावधी 1 तास (60 मिनिटे) असेल. तुम्हाला प्रत्येक विभागासाठी 20 मिनिटे दिली जातील.