वाट बघून थकले विद्यार्थी; नक्की कधी जाहीर होणार NEET UG परीक्षेचा निकाल? लेटेस्ट अपडेट आली समोर

मुंबई, 06 सप्टेंबर: NEET UG 2022 चा निकाल लवकरच जाहीर होईल. मीडिया रिपोर्ट्सनुसार, नॅशनल एलिजिबिलिटी कम एन्ट्रन्स टेस्ट, अंडर ग्रॅज्युएट, NEET UG 2022 चा निकाल उद्या म्हणजेच 07 सप्टेंबरपर्यंत जाहीर केला जाऊ शकतो. मात्र ही केवळ अंदाजे तारीख आहे. सध्या एनटीएकडून याबाबत कोणतीही स्पष्ट माहिती देण्यात आलेली नाही.

NEET UG ची तात्पुरती आन्सर की देखील प्रसिद्ध झाली आहे. 31 ऑगस्ट रोजी उत्तर की जारी करण्यात आली. त्यानंतर 02 सप्टेंबरपर्यंत त्यावर उमेदवारांकडून हरकती मागवण्यात आल्या होत्या. आता अंतिम उत्तरपत्रिकेसोबत परीक्षेचा निकालही जाहीर होऊ शकतो, असे मानले जात आहे.

तब्बल 24 लाख रुपये पॅकेजची नोकरी तीही मुंबईत; तुम्हालाही करायचीये? लगेच करा अर्ज

निकाल जाहीर झाल्यानंतर, उमेदवार अधिकृत वेबसाइट neet.nta.nic.in वर जाऊन निकाल पाहू शकतील. यावर्षी NEET UG परीक्षा 17 जुलै रोजी देशभरात घेण्यात आली. ज्यामध्ये सुमारे 18 लाख विद्यार्थ्यांनी भाग घेतला होता. परीक्षेच्या माध्यमातून देशभरातील वैद्यकीय महाविद्यालयातील वैद्यकीय अभ्यासक्रमांना प्रवेश दिला जाणार आहे. सध्या, परीक्षेशी संबंधित नवीनतम अद्यतनांसाठी अधिकृत वेबसाइटवर लक्ष ठेवा.

कशी असेल मार्किंग स्कीम

प्रत्येक बरोबर उत्तरासाठी, उमेदवारांना चार गुण दिले जातात आणि प्रत्येक चुकीच्या उत्तरासाठी एक गुण वजा केला जातो. कोणत्याही प्रयत्न न केलेल्या प्रश्नांसाठी परीक्षेत नकारात्मक मार्किंग नाही हे त्यांना माहित असले पाहिजे.

दहावीनंतर लगेच जॉब हवाय? मग टेन्शन नको; 'हे' कोर्सेस तुमची लाईफ करतील सेट

मागील वर्षातील NEET कटऑफ पाहून, उमेदवारांना सरकारी महाविद्यालयात एमबीबीएससाठी NEET मध्ये आवश्यक असलेल्या किमान गुणांची कल्पना येऊ शकते आणि त्यांच्या गुणांचे मूल्यांकन केल्यानंतर अधिक आत्मविश्वास वाटू शकतो. वैद्यकीय प्रवेश परीक्षा उत्तीर्ण होण्यासाठी सामान्य श्रेणीतील उमेदवारांना पन्नास टक्के, तर एससी, एसटी आणि ओबीसी प्रवर्गातील उमेदवारांना चाळीस टक्के गुण मिळणे आवश्यक आहे.