Success Story : IAS साठी IPS ची ट्रेनिंग मधेच सोडली, शेवटी मिळवलंच! कार्तिक जीवाणींचा संघर्ष फळाला

नवी दिल्ली, 5 फेब्रुवारी : आयएएस कार्तिक जीवणी यांची यशोगाथा खूप रंजक आहे, त्यांनी यूपीएससी परीक्षेसाठी अनेक प्रयत्न केले आणि प्रत्येक वेळी ते यशस्वी झाले. आयएएस अधिकारी होण्याच्या आपल्या ध्येयाबद्दल ते अगदी स्पष्ट होते आणि त्यासाठी तयारी करत राहिले आणि शेवटी त्यांनी यशाला गवसणी घातली. आज जाणून घेऊयात आयएएस कार्तिक जीवणी यांचा यशस्वी प्रवास. गुजरातमध्ये राहणारे कार्तिक जीवाणी अभ्यासात खूप हुशार होते. आयपीएस अधिकारी झाल्यानंतर त्यांनी प्रशिक्षणही सुरू केले. मात्र, यानंतरही तरीही त्यांच्यात IAS होण्याची जिद्द होती आणि त्यांनी आपले स्वप्न पूर्ण केले. गुजरातीमध्ये शिक्षण सुरू केले - गुजरातच्या स्थानिक मीडिया रिपोर्टनुसार, आयएएस कार्तिक जिवाणी यांनी गुजराती भाषेत आठवीपर्यंत शिक्षण घेतले आहे. त्यानंतर त्यांनी इंग्रजी माध्यमाच्या शाळेत प्रवेश घेतले. बारावी उत्तीर्ण झाल्यानंतर ते जेईई परीक्षेला बसले. त्यात यशस्वी झाल्यानंतर त्यांनी आयआयटी मुंबईमध्ये मेकॅनिकल इंजिनीअरिंग अभ्यासक्रमाला प्रवेश घेतला. महाविद्यालयात असतानाच सुरू केले शिक्षण - अभियांत्रिकीचे शिक्षण घेत असताना कार्तिक यांनी UPSC परीक्षेत बसून नागरी सेवेत रुजू होण्याचा निर्णय घेतला होता. 2016 पासून कार्तिक यांनी यूपीएससी परीक्षेची तयारी सुरू केली. 2017मध्ये पहिल्याच प्रयत्नात ते अपयशी ठरले होते. यानंतर त्यांनी 2 वर्षे जोरदार तयारी केली. 2019 मध्ये कार्तिकने दुसऱ्यांदा UPSC परीक्षा दिली आणि त्यात यशही मिळवले. आयपीएसचे प्रशिक्षण सुरू झाले होते - या परीक्षेत कार्तिक यांनी अखिल भारतीय स्तरावर 94 वा क्रमांक मिळविला. मात्र, त्यांची IAS साठी निवड होऊ शकली नाही. IAS होण्यासाठी त्यांना दोन रँकने कमी मिळाली. या प्रयत्नात त्यांची IPS अधिकारी म्हणून निवड झाली. त्यांचे प्रशिक्षणही त्यांनी सुरू केले होते. पण त्याचवेळी IAS होण्यासाठी यूपीएससी परीक्षेची तयारीही सुरू ठेवली होती. हेही वाचा -  Success Story : IAS होण्यासाठी सोडली लाखोंची नोकरी, गड्यानं पहिल्याच प्रयत्नात मारलं मैदान! रजेवर परीक्षा घेतली - प्रशिक्षणादरम्यान, कार्तिक जीवाणी यांनी तिसऱ्यांदा परीक्षा देण्याचे ठरवले. यामध्ये त्यांनी अखिल भारतीय 84वा क्रमांक मिळवला. त्यानंतर 2020 मध्ये, चौथ्या प्रयत्नात, त्यांनी 8 वी रँक गाठली. यावेळी त्यांनी आयएएस पदाला गवसणी घातली. त्याच्या वडिलांच्या म्हणण्यानुसार, त्यांनी यूपीएससी परीक्षेत बसण्यासाठी आयपीएस प्रशिक्षणातून 15 दिवसांची रजा घेतली होती. UPSC परीक्षेत यश कसे मिळाले? कार्तिक जीवाणी रोज 10 तास अभ्यास करायचे. ते कठोर परिश्रमापेक्षा स्मार्ट वर्कला प्राधान्य देतात. कार्तिक बहुतेक रात्री अभ्यास करायचा. त्याच्या तयारीसाठी तो केवळ पुस्तकांवर अवलंबून नव्हता. त्यांनी इंटरनेटचाही वापर केला. यासोबतच ते त्यांच्या नोट्सही बनवत असत. त्यांचा हा प्रवास यूपीएससी उमेदवारांना नक्कीच प्रेरणादायी आहे.

• Follow us on