नाय.. नाय शक्यच नाय; 'या' शाळेची फी बघून विश्वासच बसणार नाही; जगातील सर्वात महागडी शाळा

मुंबई, 13 मार्च: तुमच्या मुलांच्या शाळॆची वार्षिक फी किती आहे? असा प्रश्न आम्ही तुम्हाला विचारला तर तुम्ही हजारो किंवा फार फार तर लाखोंमध्ये शुल्क सांगाल. पण तुम्हाला माहिती आहे का? जगात अशी एक शाळा आहे ज्याची वार्षिक फी तब्बल 1 कोटी रुपयांपेक्षा जास्त आहे. आता तुम्ही म्हणाल ही माहिती खोटी आहे. पण नाही. ही माहिती अगदी खरीखुरी आहे. ही जगातील सर्वात महागडी शाळा आहे. ही शाळा नेमकी आहे तरी कोणती? आणि असं काय आहे या शाळेत की इतकी जास्त फी घेतात. जाणून घेऊया.

या शाळेचे नाव कॉलेज अल्पिन इंटरनॅशनल ब्यू सोलेल आहे, जे स्विस आल्प्स, स्वित्झर्लंड येथे आहे. ही शाळा अल्पिन ब्यू सोलील या नावाने ओळखली जाते.

स्वित्झर्लंडमध्ये असलेल्या या शाळेची स्थापना 113 वर्षांपूर्वी झाली. 1910 साली मॅडम व्लूएट फेरीर यांनी स्थापन केलेल्या या शाळेत जगभरातून मुले शिकण्यासाठी येतात. ही एक बोर्डिंग स्कूल आहे ज्यामध्ये 11 ते 18 वर्षे वयोगटातील मुले शिकतात.

10वी पास उमेदवारांसाठी सर्वात मोठी खूशखबर; महावितरणमध्ये 'या' पदांसाठी होतेय भरती; करा अप्लाय

मीडिया रिपोर्ट्सनुसार, Beau Soleil ही जगातील सर्वात महागडी शाळा आहे. या शाळेची वार्षिक फी सुमारे 1.33 कोटी रुपये आहे. या शाळेत दरवर्षी 280 मुलांची तपासणी केली जाते. या शाळेचे वैशिष्ट्य म्हणजे येथील विद्यार्थी आणि शिक्षक यांचे गुणोत्तर 4:1 आहे.

शाळेचे मुख्याध्यापक स्टीवर्ड व्हाईट यांच्या म्हणण्यानुसार, या शाळेत दोन भाषांमध्ये शिक्षण दिले जाते. येथे फक्त फ्रेंच आणि इंग्रजी शिकवले जाते. या शाळेची इनडोअर-आउटडोअर अभ्यास योजना खूप प्रसिद्ध आहे. टेनिस कोर्ट, शूटिंग रेंज, अश्वारोहण केंद्र आणि एक भव्य कॉन्सर्ट हॉल देखील आहे. जगभरातील शैक्षणिक सहली आणि कॅम्पस प्लेसमेंट सुविधा देखील प्रदान केल्या जातात.

Career Tips: CBI मध्ये अधिकारी होण्यासाठी पात्रता असते तरी काय? किती मिळतो पगार? संपूर्ण माहिती

या शाळेत 50 देशांतून विद्यार्थी शिक्षणासाठी येतात. या शाळेत प्रवेश घेण्यासाठी विद्यार्थ्यांच्या पालकांना शाळेच्या अधिकृत वेबसाइट- beausoleil.ch वर जाऊन अर्ज डाउनलोड करावा लागेल. सर्व प्रथम अर्ज भरावा लागेल. यानंतर मागील शाळेचा तपशील सादर करावा लागेल.

अर्ज करण्यासाठी, CHF 3000 म्हणजेच रु 2.67 लाख अर्ज शुल्क म्हणून जमा करावे लागतील. कृपया लक्षात घ्या की ही फी परत न करण्यायोग्य आहे. फी जमा केल्यानंतर पालकांना शाळेत बोलावले जाते. येथे प्रवेश पथक पालकांना शाळेच्या कॅम्पसमध्ये फेरफटका मारण्यासाठी घेऊन जाते आणि शाळेचे नियम आणि कायदे समजावून सांगतात. या कालावधीत, त्यांना गणित आणि इंग्रजीमध्ये प्लेसमेंट चाचणी पूर्ण करण्यास सांगितले जाते.