)
मुंबई, 10 एप्रिल: भारतात ग्रॅज्युएशनची डिग्री (Graduation Degree) मिळवण्यासाठी कोट्यवधी विद्यार्थी शिक्षण घेत असतात. कॉलेजमध्ये किंवा विद्यापीठामध्ये शिक्षण (How to get admission in top university) घेऊन ही डिग्री मिळते. फायनल इयरला परीक्षा (Final Year Exam) दिल्यानंतर उत्तीर्ण होऊन ही डिग्री (Graduation Degree) मिळते. मात्र परीक्षा होऊन निकाल लागून वर्षभरापेक्षा अधिक काळ उलटून गेल्यानंतरही विद्यार्थ्यांना त्यांची डिग्री (delay in graduation degree) मिळू शकत नव्हती. निकाल जाहीर होऊन कित्येक महिने उलटून गेल्यानंतरही विद्यार्थी डिग्रीची वाट बघत असायचे. मात्र आता विद्यार्थ्यांची ही समस्या लक्षात घेता UGC नं एक महत्त्वाचा निर्णय घेतला आहे. NEET UG Exam 2022: विद्यार्थ्यांनो 200 मिनिटांमध्ये 200 प्रश्नांची द्या उत्तरं; असं असेल Exam Pattern विद्यापीठ अनुदान आयोग, UGC ने पदवी मिळवणाऱ्या विद्यार्थ्यांसाठी निकष (UGC new rules for Colleges) स्पष्ट करणारी नोटीस जारी केली आहे. नोटीसमध्ये, UGC ने सर्व उच्च शिक्षण संस्था, HEI, विद्यार्थ्यांना निकाल जाहीर झाल्यापासून 180 दिवसांच्या आत पदवी (Degree in 180 days) प्रदान करण्याचे निर्देश दिले आहेत. UGC चा हा नियम HEI च्या अखत्यारीतील सर्व महाविद्यालये आणि विद्यापीठांना लागू होईल. UGC च्या अधिकृत नोटीसमध्ये असे म्हटले आहे की, “हे सांगण्याची गरज नाही की, कार्यक्रम यशस्वीरीत्या पूर्ण केल्यानंतर वेळेवर पदवी मिळवणे हा विद्यार्थ्याचा विशेषाधिकार आहे. या विशेषाधिकाराचे महत्त्व लक्षात घेऊन, आयोगाने UGC (अनुदान) नावाचे पूर्ण नियम अधिसूचित केले. विद्यार्थी ज्या तारखेला परीक्षेत उत्तीर्ण झाले आहेत त्या तारखेपासून 180 दिवसांच्या आत विद्यापीठांकडून पदवी प्रदान केली जाईल. UGC ने सर्व HEI ला तसे करण्याचे निर्देश दिले आहेत. या विलंबामुळे अनेकदा उच्च शिक्षण घेण्यात किंवा रोजगाराच्या संधी शोधण्यात समस्या निर्माण होतात. Career Tips: अर्थशास्त्रात शिक्षण झालंय? मग या क्षेत्रांमध्ये करू शकता करिअर याव्यतिरिक्त, अधिकृत UGC परिपत्रक सर्व HEI - महाविद्यालये आणि विद्यापीठांना या नियमांचे पालन करण्यास सांगते. सर्व उच्च शिक्षण संस्थांना तात्पुरत्या पदवी असलेल्या विद्यार्थ्यांना अंतिम वर्षाचे उतारे देण्याची विनंतीही करण्यात आली होती. यूजीसीच्या निकषांचे पालन न करणाऱ्या विद्यापीठांवर आयोग पदवी न दिल्याबद्दल दंडात्मक कारवाई करेल.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
