Business Idea : हा व्यवसाय सुरू करणं आहे फायदेशीर, गाव ते शहर सर्वत्र आहे मोठी मागणी

मुंबई, 05 नोव्हेंबर : कोणताही व्यवसाय सुरू करताना त्याची मागणी आणि बाजारपेठ पाहणे सर्वात महत्त्वाचे असते. आज आम्‍ही तुम्‍हाला एका अशा व्‍यवसायाबद्दल सांगत आहोत, ज्यातील उत्पादनाची मागणी खेड्यापासून शहरापर्यंत आहे. त्याच बरोबर सरकारही त्याला प्रोत्साहन देत आहे. सरकारने स्टार्ट-अप कंपन्यांना प्रोत्साहन देण्यासाठी अनेक योजना सुरू केल्या आहेत, ज्याचा लाभ घेता येईल. एलईडी बल्ब बनवण्याचा हा व्यवसाय आहे. एलईडी बल्बची मागणी खूप वाढली आहे. हे बल्ब आल्यानंतर प्रकाश मोठ्या प्रमाणात वाढला असून, त्यासोबतच विजेचे बिलही आटोक्यात आलं आहे.

या एलईडी बल्ब (LED Bulb Business idea) व्यवसायामुळे अनेकांना रोजगारही मिळाला आहे, याचे प्रशिक्षण सरकारकडून दिलं जातं. हा बल्ब टिकाऊ असतो आणि बराच काळ टिकतो. प्लास्टिक असल्याने तो सहजासहजी फुटण्याची भीती नाही.

एलईडी बल्बचे आयुष्य सामान्यत: 50000 तास किंवा त्याहून अधिक असते

LED ला लाइट एमिटिंग डायोड म्हणतात. जेव्हा इलेक्ट्रॉन अर्धसंवाहक सामग्रीमधून जातात तेव्हा ते LEDs नावाच्या लहान कणांना प्रकाश देतात. हा प्रकाश सर्वात जास्त असतो. LED बल्बचे आयुष्य साधारणपणे 50000 तास किंवा त्याहून अधिक असते, तर CFL बल्बचे आयुष्य फक्त 8000 तासांपर्यंत असते.

विशेष बाब म्हणजे एलईडी बल्ब रिसायकल करता येतात. LEDs मध्ये CFL बल्बप्रमाणे पारा नसतो, परंतु शिसे आणि निकेल सारखे घटक असतात.

व्यवसाय सुरू करू शकता

अगदी नाममात्र गुंतवणुकीत तुम्ही एलईडी बल्बचा व्यवसाय सुरू करू शकता. कमी गुंतवणुकीत हा सर्वोत्तम व्यवसाय मानला जातो. सूक्ष्म, लघु आणि मध्यम उद्योग मंत्रालयाच्या अंतर्गत, अनेक संस्था एलईडी बल्ब बनविण्याचे प्रशिक्षण देतात. आता सर्वत्र स्वयंरोजगार कार्यक्रमांतर्गत एलईडी बल्ब बनविण्याचे प्रशिक्षण दिलं जातं. यासोबत एलईडी बल्ब बनवणाऱ्या कंपन्या प्रशिक्षणही देतात. त्यांच्याशीही संपर्क साधता येईल.

हे वाचा - दिवाळीत दु:खाचा डोंगर कोसळला; 8 जणांचा संशयास्पद मृत्यू, विषारी दारू प्यायल्याने मृत्यू झाल्याचा अंदाज

तुम्ही येथून प्रशिक्षण घेऊ शकता

एलईडी बल्ब बनवण्याच्या प्रशिक्षणादरम्यान तुम्हाला एलईडीचे बेसिक, पीसीबीचे बेसिक, एलईडी ड्रायव्हर, फिटिंग-टेस्टिंग, साहित्य खरेदी, मार्केटिंग, सरकारी अनुदान योजना आणि इतर अनेक गोष्टींबद्दल सांगितले जाईल. जर तुम्हाला हे छोट्या स्तरावर सुरू करायचे असेल तर ते फक्त 50,000 रुपयांमध्ये सुरू करता येईल. या कामासाठी तुम्हाला एखादे दुकान उघडण्याची गरज नाही, तुम्ही ते घरबसल्याही आरामात सुरू करू शकता.

हे वाचा - First Aid For Burns : फटाक्यांनी अंग भाजल्यास असे करा सोपे उपाय; डॉक्टरांनी सांगितल्या या टिप्स

एलईडी बल्ब बनवण्यापासून कमाई

एक बल्ब बनवण्यासाठी सुमारे 50 रुपये खर्च येतो आणि तो बाजारात 100 रुपयांना सहज विकला जातो. म्हणजेच एका बल्बवर दुप्पट नफा होतो. जर तुम्ही एका दिवसात 100 बल्ब बनवले तर थेट 5000 रुपये तुमच्या खिशात येतील. अशा परिस्थितीत, दरमहा 1.50 लाख रुपयांपर्यंत सहज कमाई होऊ शकते.